यशस्वी जायसवाल, शिवम दुबेला बीसीसीआयकडून मिळणार बक्षीस, कमाईत कोट्यावधींचा होणार फायदा

  48

मुंबई: अफगाणिस्तानविरुद्ध(india vs afganistan) खेळवल्या जात असलेल्या तीन सामन्यांच्या मालिकेतील शानदार कामगिरीनंतर यशस्वी जायसवाल(yashaswi jaiswal) आणि शिवम दुबे(shivam dubey) यांचे नशीब चमकणार आहे. बीसीसीआयने या दोन खेळाडूंना बक्षीस देण्याचा निर्णय घेतला आहे. यशस्वी जायसवाल आणि शिवम दुबे यांना या मालिकेनंतर सेंट्रल कॉन्ट्रॅक्टच्या यादीत सामील केले जाऊ शकते. गेल्या वर्षी जेव्हा बीसीसीआयकडून २६ खेळाडूंना हे सेंट्रल कॉन्ट्रॅक्ट देण्यात आले होते तेव्हा या खेळाडूंचे नाव यात नव्हते.


यशस्वी जायसवालला गेल्या वर्षी टीम इंडियाकडून पदार्पणाची संधी मिळाली होती. पदार्पणानंतर जायसवाल ४ कसोटी आणि १६ टी-२० सामने खेळला आहे. तर शिवम दुबेने गेल्या वर्षी आयपीएलमध्ये जबरदस्त कामगिरी केली होती यामुळे त्याचे संघात पुनरागमन झाले आहे. शिवम दुबे साधारण तीन वर्षे टीम इंडियातून बाहेर राहिले. दरम्यान, आता दुबेने फलंदाजीत जबरदस्त कामगिरी केली आहे. दुबेने अफगाणिस्तानविरुद्धच्या दोन टी-२० सामन्यात नाबाद अर्धशतक ठोकले.



टी-२० विश्वचषकात मिळणार संधी?


यशस्वी जायसवाल आणि शिवम दुबेने या वर्षी होणाऱ्या टी-२० विश्वचषकासाठीही दावेदारी मजबूत केली आहे. टीम मॅनेजमेंटने स्पष्ट केले की रोहित शर्मासोबत यशस्वी जायसवाल फर्स्ट चॉईस ओपनर आहे. जर जायसवालने आयपीएलमध्येही चांगली कामगिरी केली तर त्याला विश्वचषक खेळण्यापासून कोणीही रोखू शकत नाही.


तर शिवम दुबेने ऑलराऊंडर म्हणून दावेदारी सादर केली आहे. हार्दिक पांड्या दुखापतग्रस्त झाल्याने बॅकअप ऑलराऊंडरम्हणून संघाकडून शिवम दुबेपेक्षा चांगला पर्याय नाही. शिवम दुबेला संघात कायम राहण्यासाठी स्वत:ला आणखी सिद्ध करावे लागेल. गेल्यावर्षीप्रमाणेच त्याने यंदाच्या आयपीएलमध्येही चांगली कामगिरी कायम ठेवली तर हार्दिक पांड्याला ते भारी पडू शकते.

Comments
Add Comment

IND-W vs ENG-W: स्मृती मंधानाने रचला इतिहास

T20i मध्ये शतक झळकावणारी दुसरी भारतीय महिला क्रिकेटपटू ठरली नॉटिंगहॅम : भारताची कार्यवाहक कर्णधार स्मृती

...म्हणून बुमराहला विश्रांतीची आवश्यकता

बर्मिंगहॅम : भारत आणि इंग्लंड यांच्यातील पाच कसोटी सामन्यांच्या मालिकेतील पहिला सामना इंग्लंडने पाच गडी राखून

आयसीसी वर्ल्ड टेस्ट चॅम्पियनशिपच्या गुणतक्त्यात हा संघ अव्वलस्थानी

दुबई : आयसीसी वर्ल्ड टेस्ट चॅम्पियनशिप २०२५ - २७ च्या गुणतक्त्यात ऑस्ट्रेलिया पहिल्या आणि इंग्लंड दुसऱ्या

IND Vs Eng Women's T20 Series: भारत आणि इंग्लंड महिला टी-२० मालिकेला आजपासून सुरुवात

इंग्लंडमधील वातावरण आणि परिस्थितीशी जुळवून घेण्याचे भारताचे लक्ष्य नॉटिंगहॅम : भारत आणि इंग्लंड महिला

विराट- रोहितमुळे सिडनी वनडे सामन्याची ४ महिन्यांपूर्वीच संपली सर्व तिकिटं

कॅनबेरा : सध्या भारतीय क्रिकेट संघ इंग्लंडमध्ये कसोटी मालिका खेळत आहे. त्यानंतर ऑक्टोबर-नोव्हेंबरमध्ये भारत

"तू तर रन-अपमध्येही धावत नाहीस, तू माझ्यासोबत कसा धावशील ?" - संजना गणेशनकडून बुमराहची फिरकी!

मुंबई: भारत आणि इंग्लंड यांच्यातील ५ सामन्यांची कसोटी मालिका सध्या सुरू आहे. या मालिकेतील पहिला सामना नुकताच पार