मुंबई : मुंबईतील २६/११ चा दहशतवादी हल्ला (Mumbai 26/11 Terror Attack) म्हटला की अजूनही तो हल्ला अनुभवलेल्या लोकांच्या अंगावर काटे उभे राहतात. या हल्ल्यात सहभाग असलेल्या अनेक दहशतवाद्यांना पकडून त्यांच्यावर कारवाई करण्यात आली. यात सर्वांच्या लक्षात राहिलेल्या अजमल कसाबला (Ajmal Kasab) तर पुण्याच्या येरवडा कारागृहात फाशीची शिक्षा देण्यात आली होती. हा भयंकर हल्ला घडवून आणणार्‍या आणि कुख्यात अजमल कसाब तसेच आणि इतर दहशतवाद्यांना प्रशिक्षित करणार्‍या दहशतवादी हाफिज अब्दुल सलाम भुट्टावी (Hafiz Abdul Salam Bhuttavi) याचा मृत्यू झाला आहे. मुंबई २६/११ दहशतवादी हल्ल्याचा मुख्य सूत्रधार हाफिज सईद याचा भुट्टावी हा निकटवर्तीय होता.
विशेष म्हणजे, २९ मे २०२३ रोजी दहशतवादी हाफिज अब्दुल सलाम भुट्टावीचा मृत्यू झाला, परंतु संयुक्त राष्ट्रांनी (UN) आता अधिकृतपणे आपल्या वेबसाइटवर याची पुष्टी केली आहे. पंजाब प्रांतात पाकिस्तान सरकारच्या ताब्यात असताना त्याचा मृत्यू झाल्याचे त्यात नमूद करण्यात आले आहे.
मुंबई हल्ल्याचा मास्टरमाईंड हाफिज सईदचा हा भुट्टावी इतक्या जवळचा होता की, सईदला पोलिसांनी ताब्यात घेतल्यानंतर दहशतवादी संघटनेच्या दैनंदिन कारवाया आणि संघटनेच्या वतीने निर्णय घेण्याचं काम भुट्टावी करत होता. भुट्टावीने किमान दोन वेळा लष्कर-ए-तैयबा/जमात-उद-दावा (LeT/JuD) चा प्रमुख म्हणून काम केले. JuD ही लष्कर-ए-तैयबाची प्रमुख दहशतवादी संघटना आहे. भुट्टावीने पाकिस्तानातील मुरीदके येथे लष्कराचे मुख्यालयही स्थापन केले होते.
भुट्टावीच्या मृत्यूनंतर, जमातशी संबंधित एका व्यक्तीने सांगितले होते की, ७७ वर्षीय भुट्टावी दहशतवादी वित्तपुरवठा प्रकरणात ऑक्टोबर २०१९ पासून लाहोरपासून सुमारे ६० किलोमीटर अंतरावर असलेल्या शेखूपुरा जिल्हा कारागृहात कैद होता. २९ मे रोजी छातीत तीव्र वेदना जाणवू लागल्याने भुट्टावीला रुग्णालयात नेण्यात आले. रुग्णालयात पोहोचल्यानंतर त्याला मृत घोषित करण्यात आले.
युनायटेड नेशन्सने त्यांच्या वेबसाइटवर म्हटले की, भुट्टावीने नोव्हेंबर २००८ मध्ये मुंबईत झालेल्या दहशतवादी हल्ल्यासाठी दहशतवादी तयार करण्यात मदत केली. मुंबई हल्ल्यात १५० हून अधिक लोक मारले गेले आणि अनेक जण जखमी झाले. LeT/JuD च्या मदरसा नेटवर्कसाठी भुट्टावी जबाबदार असल्याचे मानले जाते. त्याच वेळी, २००२ च्या मध्यात, भुट्टावी पाकिस्तानातील लाहोरमध्ये लष्कर-ए-तैयबा या संघटनेची स्थापना करण्याचाही प्रभारी होता.
साप्ताहिक राशिभविष्य, रविवार, १३ ते १९ एप्रिल २०२५ आर्थिक परिस्थिती मनासारखी राहील मेष : हा…
मृणालिनी कुलकर्णी कन्नड साहित्यिक भैरप्पा यांनी त्यांना सरस्वती सन्मानाचे मिळालेले ‘पाच लाख रुपये परत करतांना…
डाॅ. स्वाती गानू वयाची दहा-बारा वर्षे मुलांशी आपण किती सहज बोलू शकतो, गप्पा मारू शकतो,…
सतीश पाटणकर नारायण गणेश गोरे तथा नानासाहेब गोरे हे समाजवादी विचारवंत तसेच मराठी लेखक आणि…
डॉ. महालक्ष्मी वानखेडकर इवलासा चिमणीसारखा अस्थिर जीव जेमतेम दहा-बारा सेंटीमीटरचा. नाकापासून ते पाठीपर्यंत काळ्या रंगाचे…
श्रीनिवास बेलसरे चित्रपटसृष्टीतील जुन्या कलाकारांनी, विशेषत: गीतकारांनी, सगळ्या नात्यांना किती सुंदरपणे प्रेक्षकांसमोर आणले ते पाहिले…