Bangladesh: बांगलादेशमध्ये पुन्हा शेख हसीना सरकार, ५व्यांदा बनणार पंतप्रधान

  104

ढाका: बांगलादेशमध्ये(Bangladesh) पुन्हा एकदा शेख हसीना(sheikh hasina) पंतप्रधान बनत आहेत. रविवारी झालेल्या निवडणुकीत त्यांचा पक्ष आवामी लीगने ३०० पैकी दोन तृतीयांशहून अधिक जागा जिंकल्या आहेत. शेख हसीना पाचव्यांदा पंतप्रधान बनत आहेत. त्या २००९ पासून पंतप्रधान आहेत. याआधी १९९१ ते १९९६ दरम्यानही शेख हसीना पंतप्रधान होत्या.


आतापर्यंतच्या मतमोजणीत शेख हसीना यांचा पक्ष आवामी लीगने ३०० संसदीय जागांपैकी २२४ जागा जिंकल्या आहेत. बांगलादेश जातीय पक्षाने चार जागा जिंकल्या आहे. अपक्ष ६२ जागांवर तर इतरांच्या खात्यात एक जागा आहे. तर उरलेल्या दोन जागांवर मतमोजणी सुरू आहे.


शेख हसीना यांनी आपल्या मतदार विभाग गोपालगंज ३ येथून मोठ्या संख्येने विजय मिळवला आहे. त्यांना २,४९,९५६ मते मिळाली. तर त्यांचे प्रतिस्पर्धी एम निजाम उद्दीन लश्कर यांना केवळ ४६९ मते मिळाली. गोपालगंज ३ येथून शेख हसीना १९८६पासून आतापर्यंत आठ वेळा जिंकल्या आहेत.


यासोबतच शेख हसीना यांना बांगलादेशात दीर्घकाळ पंतप्रधान बनण्याचा रेकॉर्ड केला आहे. त्या २००९ पासून पंतप्रधान आहेत.



केवळ ४० टक्के झाले मतदान


बांगलादेशात २०१८मध्ये झालेल्या निवडणुकीत ८० टक्के मतदान झाले होते. मात्र यावेळेस झालेल्या निवडणुकीला विरोधी पक्षाने बॉयकॉट केले होते. यामुळे निवडणुकीत केवळ ४० टक्के मतदान झाले.


निवडणुकीआधी बांगलादेशात अनेक ठिकाणी हिंसक घटनाही झाल्या होत्या. रविवारी मतदानादरम्यान देशभरात १८ ठिकाणी जाळपोळीच्या घटना घडल्या होत्या. यात १० मतदान केंद्रांना निशाणा बनवण्यात आले होते.

Comments
Add Comment

दक्षिण कोरियात शाळेत मोबाईल वापरण्यावर बंदी

सियोल : दक्षिण कोरियामध्ये शाळेत मोबाईल वापरण्यावर बंदी घालणारे विधेयक मंजूर झाले आहे. मार्च २०२६ पासून हा कायदा

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या