Friday, July 19, 2024
Homeताज्या घडामोडीGautam Adani : गौतम अदानी पुन्हा जागतिक श्रीमंतांच्या यादीत 'टॉप २०' मध्ये!

Gautam Adani : गौतम अदानी पुन्हा जागतिक श्रीमंतांच्या यादीत ‘टॉप २०’ मध्ये!

गेल्या २४ तासांची कमाई इलॉन मस्कच्या कमाईपेक्षाही अधिक

मुंबई : मागील काही दिवस भारतीय उद्योगपती गौतम अदानी (Gautam Adani) यांच्यासाठी चांगले ठरले आहेत. हिंडेनबर्ग रिसर्चबाबत (Hindenberg Research) सर्वोच्च न्यायालयाच्या (Supreme Court) निरीक्षणानंतर अदानी समूहाच्या शेअर्सनी (Shares) उंच भरारी घेतली. हिंडेनबर्गच्या अहवालात तथ्य नसल्याचा दावा सुप्रीम कोर्टाने नोंदवला. परिणामी अदानींच्या संपत्तीत दिवसेंदिवस वाढ होत आहे. गेल्या २४ तासांत गौतम अदानी जगातील सर्वात श्रीमंत व्यक्तींच्या यादीत सर्वाधिक कमाई करणारे व्यक्ती ठरले आहेत.

अदानी समूहाच्या अध्यक्षांच्या संपत्तीत मंगळवारी एकाच दिवसात १२.३ अब्ज डॉलर म्हणजेच सुमारे १०,२५,४०,१८,००,००० रुपयांची वाढ झाली. अदानींच्या एका दिवसातील कमाईचा हा आकडा इलॉन मस्कपासून बर्नार्ड अर्नॉल्टपर्यंतच्या टॉप-३ अब्जाधीशांच्या कमाईपेक्षा जास्त आहे. अदानी एका दिवसात सर्वाधिक कमाईच्या बाबतीत नंबर एक अब्जाधीश बनले आहेत.

हिंडेनबर्गच्या अहवालानंतर झालेल्या नुकसानीमुळे गौतम अदानी श्रीमंतांच्या टॉप २० यादीतून बाहेर पडले होते. पण आता त्यांच्या संपत्तीच्या वाढीमुळे ते जगातील १५ वे श्रीमंत व्यक्ती बनले आहेत. सध्या गौतम अदानी यांची एकूण संपत्ती ७०.३ अब्ज डॉलर आहे. श्रीमंतांच्या यादीत रिलायन्स इंडस्ट्रीजचे अध्यक्ष मुकेश अंबानी (Mukesh Ambani) सध्या गौतम अदानी यांच्यापेक्षा दोन स्थानांनी पुढे आहेत. या यादीत मुकेश अंबानी ९०.४ अब्ज डॉलर्सच्या संपत्तीसह १३ व्या स्थानावर आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -