मुंबई : जगभरात जवळजवळ एका अब्जाहून अधिक युजर्स असणारं व्हॉट्सअॅप (Whatsapp) हे सोशल मीडिया अॅप (Social Media app) नवनवीन प्रयोग करत असतं. व्हॉट्सअॅपच्या अगदी सुरुवातीच्या काळात केवळ ते एकच अॅप सोयीचं असल्याने खूपच लोकप्रिय होतं. प्रत्येकाच्या फोनमध्ये व्हॉट्सअॅप गरजेचं बनलं होतं. आजही काही माहिती अथवा फोटो पाठवायचा झाल्यास आपण ‘व्हॉट्सअॅप करतो तुला’ असं सहज म्हणून जातो, इतकी या अॅपची लोकप्रियता आहे.
पण हल्लीच्या काळात अनेक सोशल मीडिया अॅप्स आले आहेत, ज्यावरुन संपर्क क्रमांकाशिवाय सहज संपर्क साधणे शक्य झाले आहे. व्हॉट्सअॅपवर एखाद्या व्यक्तीशी संपर्क साधायचा असेल तर त्याचा संपर्क क्रमांक गरजेचा असतो, मात्र इतर अॅप्स क्रमांकाशिवाय या सुविधा पुरवतात. त्यामुळे आता व्हॉट्सअॅपही या स्पर्धेत टिकण्यासाठी नवनवीन फीचर्स आणत आहे.
अधिक सुरक्षितता आणि गोपनीयता बाळगण्यासाठी आता व्हॉट्सअॅप युजरनेमचे (Username) फीचर आणणार आहे. ज्यामुळे संपर्क क्रमांकाची (Contact Number) गरज भासणार नाही. याद्वारे यूजर्सच्या प्लॅटफॉर्मवर एक नवीन सर्च बार उपलब्ध होईल ज्याद्वारे ते मोबाईल नंबरशिवाय त्यांच्या यूजरनेमद्वारे इतर लोकांना शोधू शकतील. त्यामुळे लोकांना लवकरच व्हॉट्सॲपवर नवीन युजरनेम आयडी मिळणार आहे. या फिचरवर सध्या काम सुरु आहे.
व्हॉट्सअॅपने आतापर्यंत अनेक प्रयोग करुन पाहिले, पण त्याचे जुने व्हर्जन युजर्सना आवडत असल्याचे अनेकदा समोर आले आहे. व्हॉट्सअॅपने स्टेटस ठेवण्याची पद्धत इन्स्टाग्रामच्या स्टोरीजप्रमाणे केली तीही युजर्सना फारशी रुचली नाही. त्यामुळे आता इतर अॅप्सप्रमाणे युजरनेम वापरुन संपर्क केल्याने व्हॉट्सअॅपचा युनिकनेस (Uniqueness) हरवेल, अशी चर्चा होत आहे.
मुंबई: आचार्य चाणक्य यांनी अशा घरांचे वर्णन निती शास्त्रात केले आहे जिथे लक्ष्मी मातेला जायला…
मुंबई : आयसीसी टी २० विश्वचषक स्पर्धेत टीम इंडियाने दैदीप्यमान कामगिरी करत विश्वचषक जिंकला. भारतीय…
मुंबई: Motorola Razr 50 Ultra गुरूवारी भारतात लाँच करण्यात आला. हा कंपनीचा नवा क्लॅमशेल-स्टाईलचा फोल्डेबल…
मुंबई: टी-२० वर्ल्डकप २०२४ जिंकून आलेल्या टीम इंडियाचे गुरूवारी मुंबईत अतिशय भव्य दिव्य स्वागत झाले.…
थिरुवनंतपुरम : केरळमध्ये दुषित पाण्यात आंघोळ केल्यामुळे १४ वर्षांच्या मुलाचा मृत्यू झाला आहे. अमिबामुळे मेंदूला…
मुंबई: भारतीय खेळाडू टी-२० वर्ल्डकप जिंकल्यानंतर मायदेशात परतले आहेत. यानंतर रोहित शर्माच्या नेतृत्वातील टीम इंडियाच्या…