श्रीलंकेविरुद्ध मोहम्मद शमीने ५ विकेट घेत रचला इतिहास, भारतासाठी असे करणारा ठरला पहिला गोलंदाज

मुंबई: वानखेडे स्टेडियममध्ये भारताच्या वेगवान गोलंदाजांचा कहर पाहायला मिळाला. पहिल्या ओव्हरमधील पहिल्याच बॉलवर जसप्रीत बुमराहने भारताला यश मिळवून दिले. यानंतर सिराजने एका षटकात दोन विकेट घेत टॉप ऑर्डर उद्ध्वस्त केली. मोहम्मद शमीने तुफानी गोलंदाजी करताना पाच फलंदाजांना पॅव्हेलियनमध्ये धाडले.

मोहम्मद शमीने पाच श्रीलंकेच्या फलंदाजांना बाद करत वर्ल्डकपमध्ये इतिहास रचला. शमी भारतासाठी वर्ल्डकपमध्ये सर्वाधिक विकेट घेणारा गोलंदाज ठरला आहे. मोहम्मद शमीने १४ डावांत ४५ विकेट घेतल्या आहेत. त्याने झहीर खान आणि जवागल श्रीनाथ यांचा रेकॉर्ड तोडला. जसप्रीत बुमराहने वर्ल्डकपच्या करिअरमध्ये ३३ विकेट घेतल्या आहेत.

वर्ल्डकपमध्ये सर्वाधिक विकेट घेणारे भारतीय गोलंदाज

४५- मोहम्मद शमी
४४- झहीर खान
४४-जवागल श्रीनाथ
३३ – जसप्रीत बुमराह
३१- अनिल कुंबळे

विश्वचषकाच्या इतिहासात सर्वाधिक ४ विकेट घेणारे गोलंदाज

मोहम्मद शमी – ७(१४ डाव)
मिचेल स्टार्क – ६(२४ डाव)

या ५ फलंदाजांना केले बाद

मोहम्मद शमीने आपल्या पहिल्या ओव्हरमध्ये कहर केला. आपल्या पहिल्या ओव्हरच्या तिसऱ्या बॉलवर असलंकाला बाद करत पहिली विकेट घेती. पुढच्याच बॉलवर दुष्मंथा हेमंथाला बाद करत दुसरी विकेट घेतली. ११व्या ओव्हरच्या तिसऱ्या बॉलवर चमिराला बाद करत तिसरी विकेट घेतली. १३व्या ओव्हरच्या पहिल्या बॉलवर अँजेलो मॅथ्यूजला बाद करत चौथे यश मिळवले. १७व्या ओव्हरच्या शेवटच्या बॉलवर रजिथाला बाद करता पाचवे यश मिळवले.