Saturday, May 24, 2025

महामुंबईमनोरंजनताज्या घडामोडी

Shah Rukh Khan Birthday : बर्थडे मेरा पर तौफा आप सभी के लिए... किंग खानचं चाहत्यांसाठी आणखी एक गिफ्ट!

Shah Rukh Khan Birthday : बर्थडे मेरा पर तौफा आप सभी के लिए... किंग खानचं चाहत्यांसाठी आणखी एक गिफ्ट!

डंकीच्या टीझरनंतर आता 'ही' खुशखबर


मुंबई : बॉलिवूडचा बादशहा (Bollywood Badshah) शाहरुख खान आज आपला ५८वा वाढदिवस (Shah Rukh Khan Birthday) साजरा करत आहे. त्याच्या अभिनयाने त्याने जगभरातून प्रचंड मोठा चाहतावर्ग (Fan following) गोळा केला आहे. शाहरुखची एक झलक पाहण्यासाठी त्याच्या मुंबईतील 'मन्नत' (Mannat) या बंगल्याबाहेर वाढदिवसाच्या आदल्या दिवशीच चाहत्यांची प्रचंड गर्दी होते. आजच्या रात्रीही शाहरुखने घराच्या गेटवरुन सगळ्यांना हात दाखवत अभिवादन केलं. त्यामुळे तिथे उपस्थित चाहत्यांचा आनंद गगनात मावेनासा झाला होता.


यानंतर आता प्रत्यक्ष वाढदिवशी किंग खान आपल्या चाहत्यांसाठी दोन मोठे गिफ्टस घेऊन आला आहे. एक भेट म्हणजे शाहरुखच्या आगामी 'डंकी' (Dunki) या चित्रपटाचा टीझर आज प्रदर्शित करण्यात आला. तर दुसरी भेट म्हणजे, जगभरात गाजलेला शाहरुखचा 'जवान' (Jawan) हा चित्रपट आजपासून नेटफ्लिक्स (Netflix) या ओटीटी प्लॅटफॉर्मवर (OTT platform) प्रदर्शित झाला आहे. त्यामुळे चाहते भलतेच खुश झाले आहेत.


'जवान' ओटीटीवर रिलीज होण्याआधी शाहरुखचा एक व्हिडीओ सोशल मीडियावर व्हायरल झाला होता. या व्हिडीओमध्ये त्याने बॉम्ब लावलेला असतो आणि तो जवान नेटफ्लिक्सवर रिलीज करण्यासाठी धमकी देत असतो. शाहरुख म्हणतो,"हॅलो नेटफ्लिकसवा, पहचानो मैं कहाँ हूँ? अगले दो मिनिट में जवान नेटफ्लिक्स पे रिलीज कर दो नहीं तो मैं तुम्हारे टुडुम का कर दूँगा बुडूम!". त्यानंतर लगेचच 'जवान' हा सिनेमा नेटफ्लिक्सवर रिलीज करण्यात येतो. बॉम्ब फुटतो त्यावेळेस शाहरुखला वाढदिवसाच्या शुभेच्छा देणारा बॅनर झळकतो आणि बादशहा आपल्या चाहत्यांना म्हणतो, 'बर्थडे मेरा पर तौफा आप सभी के लिए, जवान देखिए'.






 










View this post on Instagram























 

A post shared by Netflix India (@netflix_in)





'जवान' या सिनेमाची निर्मिती ३०० कोटींमध्ये करण्यात आली होती, पण या सिनेमाचे राइट्स नेटफ्लिक्सने २५० कोटींमध्ये विकत घेतले आहेत. 'जवान' या सिनेमाने जगभरातील बॉक्स ऑफिसवर चांगलाच गल्ला जमवला आहे. जगभरातील बॉक्स ऑफिसवर सर्वाधिक कमाई करणारा बॉलिवूडपट 'जवान' ठरला आहे, ११०० कोटींपेक्षा अधिक कमाई त्याने केली आहे. त्यामुळे रेकॉर्डब्रेक कमाई करण्यासोबत या सिनेमाने इतिहासही रचला आहे. या चित्रपटाच्या ओटीटीवरील आगमनाने चाहते खूश झाले आहेत. शिवाय 'डंकी' या चित्रपटाचा टीझर पाहिल्यानंतर त्याची चाहत्यांना उत्सुकता लागून राहिली आहे.

Comments
Add Comment