Monday, July 15, 2024
Homeताज्या घडामोडीMaratha Reservation : मराठा आरक्षणासाठी तरुणाने सर्वांसमक्ष संपवले जीवन

Maratha Reservation : मराठा आरक्षणासाठी तरुणाने सर्वांसमक्ष संपवले जीवन

जरांगे यांच्याशी बोलण्याची व्यक्त केली होती इच्छा

बीड : मराठा आरक्षणाचा (Maratha Reservation) मुद्दा आता वेगळेच रुप धारण करु लागला असून यामध्ये अनेक तरुण आपला जीव गमावत आहेत. मराठ्यांना आरक्षण मिळवून देण्यासाठी सरकारला दिलेली मुदत संपल्यानंतर मराठा आंदोलनात उपोषण करणारे मनोज जरांगे पाटील (Manoj Jarange Patil) यांनी पुन्हा बेमुदत उपोषण सुरु केले आहे. आज त्यांच्या उपोषणाचा चौथा दिवस आहे. यावर आता सरकारने आंदोलन गांभीर्याने घ्यावे, अन्यथा हजारोंच्या संख्येने लोक उपोषण करतील, असं विधान त्यांनी केलं आहे. दरम्यान, काल रात्रीच बीडमधील (Beed News) एका तरुणाने मराठा आरक्षणासाठी आपलं जीवन संपवल्याची (Suicide case) धक्कादायक घटना घडली आहे.

बीड जिल्ह्यातील अंबेजोगाई तालुक्यातील गिरवली येथील एका तरुणाने मराठा आरक्षण देण्याची मागणी करत, पाण्याच्या टाकीवरून उडी मारून आत्महत्या केली. यावेळेस तेथील उपस्थितांनी त्याची समजूत घालण्याचा प्रयत्न केला. मात्र, त्याला न जुमानता त्याने अखेर उडी मारुन आपलं जीवन संपवलं. काल रात्री साडेअकराच्या सुमारास ही घटना घडली. शत्रुघ्न काशीद असं आत्महत्या करणाऱ्या तरुणाचं नाव आहे.

मराठा आरक्षण देण्याची मागणी आणि मनोज जरांगे पाटील यांच्या आंदोलनाच्या समर्थनार्थ शत्रुघ्न गुरुवारी रात्री पाण्याच्या टाकीवर चढला होता. तिथे काही काळ शत्रुघ्न याने आरक्षणाची मागणी करत घोषणाबाजी केली. तसेच जरांगे पाटील यांच्याशी बोलण्याची इच्छाही व्यक्त केली. पोलिसांना या घटनेची माहिती मिळताच ते ताबडतोब हजर झाले व शत्रुघ्नची समजूत घालण्याचा प्रयत्न केला. मात्र तो मागणीवर ठाम राहिला. अखेर त्याने रात्रीच्या सुमारास टाकीवरून उडी मारली. या घटनेने परिसरात खळबळ उडाली आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -