चेन्नई: विश्वचषकात धक्कादायक पराभवाचा बळी ठरलेला दक्षिण आफ्रिकेचा(south africa) संघ विजयरथावर स्वार झाला आहे. पाकिस्तानविरुद्ध(pakistan) विश्वचषकातील आपला सहावा सामना खेळण्यास उतरलेल्या आफ्रिकेच्या संघाने आपली विजयी स्वारी कायम ठेवली आहे. पाकिस्तान आणि द. आफ्रिका यांच्यात झालेल्या रोमहर्षक सामन्यात आफ्रिकेने बाजी मारली. पाकिस्तानच्या संघाने सामन्याच्या शेवटपर्यंत विजयासाठी प्रयत्न केला. मात्र अखेरीस आफ्रिकेने बाजी मारली.
गोलंदाजीत दक्षिण आफ्रिकेने शानदार सुरूवात केली. संघाचा स्टार पेसर मार्को यान्सनने तीन विकेट मिळवल्या. यात दोन सलामीवीरांचा समावेश आहे. पाकिस्तानकडून कर्णधार बाबर आझमने ६५ बॉलमध्ये ५० धावांची खेळी केली. याशिवाय सऊद शकीलने ५३ बॉलमध्ये ५२ धावा केल्या. हे दोन फलंदाज बाद झाल्यानंतर पाकिस्तानचा संघ अडचणीत सापडला होता. दरम्यान, शादाब खानने मोर्चा सांभाळला आणि ४३ धावांची खेळी करत स्कोर वाढवला. यामुळे त्यांना दक्षिण आफ्रिकेसमोर २७१ धावांचे आव्हान ठेवता आले.
