दिल्ली: विश्वचषकात आज ऑस्ट्रेलियाचा(australia) सामना नेदरलँडशी(netherlands) रंगणार आहे. ऑस्ट्रेलियाने आपल्या मागील सामन्यात पाकिस्तानला हरवले होते. तर नेदरलँडसला गेल्या सामन्यात श्रीलंकेकडून पराभव पत्करावा लागला होता. दरम्यान, नेदरलँड्स संघाने या विश्वचषकात धक्कादायक निकालाची नोंद केली आहे.
नेदरलँड्सच्या संघाने द. आफ्रिकेला हरवले होते आणि श्रीलंकेलाही धक्का दिला असता. अशातच ऑस्ट्रेलिया हा सामना हलक्याने घेणार नाही. ऑस्ट्रेलिया आणि नेदरलँड्स यांच्यात आतापर्यंत २ वनडे झाले आहेत. दोनही सामने विश्वचषकात खेळवण्यात आलेत.
२००३ आणि २००७मध्ये झालेल्या विश्वचषकातील सामन्यात ऑस्ट्रेलियाने नेदरलँड्सवर मोठा विजय मिळवला होता. दोन्ही सामन्यात ऑस्ट्रेलियाच्या संघाला विजय मिळवला होता. दोन्ही संघादरम्यान तिरूअनंतपुरम येथे वॉर्म अप सामना खेळवण्यात आला होता. पावसामुळे प्रभावित झालेल्या या सामन्यात मिचेल स्टार्कने हॅटट्रिक घेतली होती.
नेदरलँड्सविरुद्धच्या सामन्यात ट्रेविस हेड खेळू शकतो. हात तुटल्यामुळे तो पहिले ४ सामने खेळू शकला नव्हता. मात्र सोमवारी त्याने टीमच्या नेट सेशनमध्ये सराव केला. अशातच हेड हा सामना खेळू शकतो. नेदरलँडकडे आर्यन दत्त आणि वॅन डर मर्वच्या रूपात दोन स्पिन गोलंदाज आहेत जे पॉवरप्लेमध्ये ऑस्ट्रेलियाच्या ओपनरची परीक्षा घेऊ शकतात.
