नाशिक : पुण्यातील ससून रुग्णालयातून (Sassoon Hospital) पळालेल्या ड्रग्जमाफिया ललित पाटीलने (Lalit Patil) तब्बल १५ दिवस पोलिसांच्या हातावर तुरी दिली. यानंतर अखेर काल चेन्नईमधून त्याला ताब्यात घेण्यात मुंबई पोलिसांना (Mumbai Police) यश आले. ललित पाटील पोलिसांच्या तावडीत सापडल्यानंतर आता अनेक खुलासे होत आहेत. कधी राजकारण्याचं नाव या प्रकरणाशी जोडलं जात आहे, तर कधी ललितला मदत करणार्‍या नवनवीन व्यक्ती या प्रकरणात समोर येत आहेत.
पोलिसांच्या तपासात नाशिकमध्ये पळून गेलेला ललित पाटील एका महिलेकडे वास्तव्यास होता आणि यात सात किलो चांदी आणि २५ लाख रोकड एवढी प्रचंड आर्थिक देवाणघेवाण झाली असल्याचे समोर आले. यानंतर आता पुणे पोलिसांनीही (Pune police) अ‍ॅक्शन मोडमध्ये येत आणखी एका गोष्टीचा तपास केला आहे. नाशिकमध्ये असताना ललित पाटील आपल्या दोन मैत्रिणींच्या संपर्कात होता आणि त्यांच्याकडेच त्याने रोख रक्कम आणि सोने ठेवायला दिले होते, या बाबीचा खुलासा करत पोलिसांनी दोन्ही मैत्रिणींना ताब्यात घेतले आहे.
ड्रगमाफिया ललित पाटीलच्या अटकेनंतर पुणे पोलिसांचे एक पथक मुंबईला आले तर दुसरे पथक नाशिकला पोहचले आणि ललित पाटीलच्या दोन मैत्रिणींना नाशिकमधून अटक केली. रात्री उशिरा ही कारवाई करण्यात आली. या दोघींना पोलीस आज न्यायालयात हजर करणार आहेत. प्रज्ञा कांबळे आणि अर्चना निकम अशी दोघींची नावं आहेत.
ललित पाटील ससून रुग्णालयातून पळून गेल्यानंतर या दोघी ललित पाटीलच्या संपर्कात होत्या तसंच त्याला पळून जाण्यासाठी या दोघींनींच मदत केल्याचं समोर आलं आहे. ललित पाटील फरार असताना तो सातत्याने या दौन मैत्रिणींच्या संपर्कात होता तसंच त्याने कमावलेला काळा पैसाही त्याने या दोघींकडे ठेवायला दिला होता. मेफेड्रॉन विक्रीतून मिळणाऱ्या पैशातील काही वाटा ललित पाटील या दोघींवर खर्च करत होता. ललित पाटीलचे लग्न झाले होते मात्र त्याच्या बायकोचा अपघाती मृत्यू झाला होता. सध्या ललितच्या या दोन्ही मैत्रिणींना पुण्यात आणण्यात आले असून दुपारी शिवाजीनगर न्यायालयात हजर करण्यात येणार आहे.
मुंबई: भारतीय क्रिकेट संघ अद्याप बार्बाडोसमध्येच अडकला आहे. टीम इंडियाने बार्डाडोसमध्ये फायनल सामना जिंकत टी-२०…
मुंबई:रिलायन्स जिओचे प्लान आजपासून महाग होत आहेत. आता ग्राहकांना रिचार्ज कऱण्यासाठी आधीपेक्षा १२ ते २५…
मुंबई: पोटापासून अनेक आजार सुरू होतात. यासाठी त्यांच्यावर उपचार करणे गरजेचे असते. जर तुम्हीही पोटाच्या…
नवी दिल्ली : आज मला एका गंभीर विषयाकडे तुमचे आणि देशवासीयांचे लक्ष वेधायचे आहे. काल…
कागदपत्रांची पुर्तता करण्यासाठी लाभार्थींची कसरत! अर्ज करण्यासाठी आता ३१ ऑगस्टपर्यंत मुदत, दोन अटी केल्या शिथिल…
बार्बाडोस : आदरणीय नरेंद्र मोदी सर, तुमचे शब्द आणि पाठिंबा यासाठी तुमचे खूप खूप आभार.…