Monday, July 15, 2024
HomeदेशBus Accident: नैनीतालमध्ये भीषण अपघात, ३२ प्रवाशांनी भरलेली बस दरीत कोसळली

Bus Accident: नैनीतालमध्ये भीषण अपघात, ३२ प्रवाशांनी भरलेली बस दरीत कोसळली

डेहराडून: उत्तराखंडच्या नैनीतालमध्ये(nainital accident) भीषण अपघात झाला आहे. ३२ प्रवाशांनी भरलेली बस कालाढुंगी रोडवरील नालनीमध्ये दरीत बस कोसळली. बसमधील प्रवासी हे हरियाणा येथून नैनीतालमध्ये फिरण्यासाठी आले होते. १८ लोकांना जखमी अवस्थेत उपचारासाठी रुग्णालयात दाखल करण्यात आले.

बसमधील ३२ लोक हिसार येथून नैनीतालला आले होते

घटनास्थळी पोहोचून संघाला माहिती मिळाली की बसमध्ये ३२ प्रवासी प्रवास करत होते. ते हिसार येथून नैनीतालला पोहोचले होते. एसडीआरएफच्या रेस्क्यू टीमने पोलिसांसोबतच्या संयुक्त रेस्क्यू अभियान सुरू केले आणि बसमधील १८ लोकांना जखमी अवस्थेत रुग्णालयात नेले. इतर प्रवाशांचा शोध घेतला जात आहे.

ऑगस्टमध्ये गंगनानी येथे झाला होता भीषण अपघात

याआधी ऑगस्टमध्ये उत्तराखंडमध्ये गंगोत्री धाम येथून परतणाऱ्या गुजरातच्या प्रवाशांची बस गंगोत्री राष्ट्रीय राजमार्गाच्या के गंगनानी जवळ दरीत बस कोसळली होती. या बसमध्ये ३५ प्रवासी प्रवास करत होते. या बस अपघातात ७ प्रवाशांचा मृत्यू झाला होता.

अपघातानंतर पोलीस अधीक्षक अर्पण यदुवंशीने सांगितले होते की २७ लोकांना रेस्क्यू करण्यात आले. यात लोकांना छोटी-मोठी दुखापत झाली. मात्र सगळे सुरक्षित होते. ७ जणांचे मृतदेह ताब्यात घेण्यात आले होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -