Asian Games 2023: हॉकीमध्ये टीम इंडियाला सुवर्णपदक, जपानला ५-१ने हरवले

  83

होंगझाऊ: आशियाई स्पर्धा २०२३मध्ये(asian games 2023) भारतीय हॉकी संघाने सुवर्णपदकाला गवसणी घातली. टीम इंडियाने अंतिम सामन्यात गेल्या वेळचा आशियाई स्पर्धेचा विजेता संघ जपानला ५-१ असे हरवले. याआधी पूल राऊंडमध्येही भारत आणि जपान आमनेसामने आले होते. त्यावेळेसही भारताने जपानला ४-२ असे हरवले होते.


अंतिम सामन्यात टीम इंडियाने जबरदस्त खेळाचे प्रदर्शन करत जपानला नामोहरम केले. भारताने जपानला केवळ एक गोल करण्याची संधी दिली.


या सुवर्णपदकासह भारतीय हॉकी संघाने २०२४मध्ये पॅरिसमध्ये खेळवल्या जाणाऱ्या ऑलिम्पिक स्पर्धेसाठी पात्रता सिद्ध केली आहे. सामन्याबाबत बोलायचे झाल्यास पहिल्या क्वार्टरमध्ये दोनही संघांना गोल करता आला नाही. त्यानंतर दुसऱ्या क्वार्टरमध्ये २५व्या मिनिटाला भारताकडून पहिला गोल करण्यात आला. मनदीप सिंहने हा गोल करत भारताला १-० अशी आघाडी मिळवून दिली.


तिसऱ्या क्वार्टरमध्ये ३२व्या मिनिटाला भारताचा कर्णधार हरमनप्रीत सिंहने दुसरा गोल करत भारताला २-० अशी आघाडी मिळवून दिली. तिसरा क्वार्टर संपण्याच्या आधी अमित रोहिदास भारतासाठी तिसरा गोल केला. या पद्धतीने भारताने तिसऱ्या क्वार्टरपर्यंत ३-० अशी आघाडी घेत आपला विजय पक्का केला.



चौथ्या क्वार्टरमध्ये भारताचे दोन गोल


चौथ्या क्वार्टरच्या सुरूवातीच्या तीन मिनिटांनीच म्हणजेच४८व्या मिनिटाला अभिषेकने भारतासाठी चौथा गोल केला. या गोलसह भारताने ४-० अशी आघाडी घेतली. यानंतर तीन मिनिटांनी म्हणजेच ५१व्या मिनिटाला जपानने आपले खाते खोलले आणि संघाला पहिला गोल केला. सामना संपण्यास एक मिनिट बाकी असताना भारताने पाचवा गोल केला. ५९व्या मिनिटाला कर्णधार हरमनप्रीत सिंहने संघासाठी पाचवा गोल करत जपानविरुद्ध ५- १ असा विजय मिळवला.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर