अहमदाबाद: आयसीसी विश्वचषक २०२३मधील(world cup 2023) पहिल्या सामन्यात न्यूझीलंडने इंग्लंडविरुद्ध विजयी सलामी दिली आहे. इंग्लंडने विजयासाठी दिलेले २८२ धावांचे आव्हान न्यूझीलंडने सहज पूर्ण करत विश्वचषक अभियानाला दमदार सुरूवात केली.
गतविजेत्या इंग्लंडने या सामन्यात पहिल्यांदा फलंदाजी करताना ९ बाद २८२ धावा केल्या होत्या. न्यूझीलंडसमोर विजयासाठी २८३ धावांचे आव्हान होते. न्यूझीलंडने हे आव्हान केवळ एक गडी गमावत पूर्ण केले. या सामन्यात डेवॉन कॉनवे आणि रचिन रवींद्र यांनी प्रत्येकी शतकी खेळी करत संघाला ९ विकेट राखत मोठा विजय मिळवून दिला.
न्यूझीलंडचा विल यंग शून्यावर बाद झाल्यानंतर डेवॉन कॉनवे आणि रचिन रवींद्र यांनी जोरदार फटकेबाजी करत इंग्लंडच्या संघाला सळो की पळो करून सोडले. या दोघांनी २८३ धावांची भागीदारी केली. यात डेवॉन कॉनवेने जबरदस्त दीडशतकी खेळी केली. त्याने १२१ बॉलमध्ये १९ चौकार आणि ३ षटकारांसह १५२ धावा केल्या. तर रचिन रवींद्रने त्याला जबरदस्त साथ दिली. रविंद्रने ९६ बॉलमध्ये ११ चौकार आणि ५ षटकारांसह १२३ धावांची खेळी केली.
तत्पूर्वी, इंग्लंडने पहिल्यांदा फलंदाजी करताना ९ विकेट गमावताना २८२ धावा केल्या होत्या. सलामीवीर जॉनी बेअरस्ट्रॉने ३३ धावा केल्या तर डेविड मलानने १४ धावांची खेळी केली. ज्यो रूटने डाव सांभाळताना ७७ धावा ठोकल्या. कर्णधार जोस बटलरने या सामन्यात ४३ धावा फटकावल्या. ज्यो रूट वगळता कोणत्याही फलंदाजाला अर्धशतक गाठता आले नाही.
मुसळधार पावसाचा पालघरमध्ये पहिला बळी पालघर : मुंबई, ठाण्यासह उपनगरीय भागात काल रात्रभर जोरदार पाऊस…
मुंबई : कांदिवली पश्चिमेकडील पोयसर नदीवर बसवण्यात आलेल्या सक्शन पंपाचे पाईप फुटल्याने आज कांदिवलीत मोठ्या…
मुंबई मनपा, पोलीस प्रशासन आणि आपत्कालीन यंत्रणेला सहकार्य करा : एकनाथ शिंदे अजित पवार यांनीही…
हार्बर रेल्वे तसेच मेल एक्स्प्रेस रद्द झाल्याने अडकलेल्या प्रवाशांच्या सोयीसाठी बससेवा मुंबई : मुंबईत काल…
मुसळधार पावसामुळे घडली दुर्दैवी घटना मुंबई : मुंबईसह ठाणे आणि उपनगरांत काल रात्रीपासून मुसळधार पाऊन…
मुंबई : राज्य विधिमंडळाच्या पावसाळी अधिवेशनात (Maharashtra Monsoon Sessions) आज एक महत्त्वाचा ठराव मांडला जाण्याची…