नवी दिल्ली: आम आदमी पक्षाचे खासदार संजय सिंह(sanjay singh) यांच्या निवासस्थानी बुधवारी अंमलबजावणी संचलनालयाने(ईडी) छापा मारला आहे. माहितीनुसार बुधवारी सकाळी ईडीची टीम संजय सिंह यांच्या निवासस्थानी पोहोचली. दरम्यान, ईडीने हा छापा(ED Raid) कशासंदर्भात घातला आहे हे अद्याप स्पष्ट होऊ शकलेले नाही.
याआधीही आम आदमी पक्षाचे अनेक नेते तपास विभागाच्या रडारवर आले आहेत. ईडीने मनी लाँड्रिंग्च्या प्रकरणात गेल्या वर्षी मे मध्ये आप सरकारमधील मंत्री राहिलेले सत्येंद्र जैन यांना अटक केली होती. दरम्यान, आजारपणामुळे त्यांना सुप्रीम कोर्टाकडून अंतरिम जामीन मिळाला आहे.
#WATCH | Visuals from outside AAP Rajya Sabha MP Sanjay Singh's residence ED raids underway at the residence of AAP Rajya Sabha MP Sanjay Singh pic.twitter.com/k6FRDjY12S
— ANI (@ANI) October 4, 2023
याशिवाय ईडीच्या दिल्ली दारू घोटाळा प्रकरणा्या आरोपात सीबीआयने या वर्षी फेब्रुवारीमध्ये उपमुख्यमंत्री मनीष सिसोदिया यांना अटक केली होती. यानंतर दारू घोटाळ्यात मनी लाँड्रिंगचा तपास करणाऱ्या ईडीने त्यांना अटक केली होती. सिसोदिया सध्या जेलमध्ये कैदेत आहेत.
