लखनऊ: उत्तर प्रदेशच्या मथुरेतून(mathura) मोठी बातमी समोर आली आहे. येथे शकूरबस्तीवरून येणाऱ्या एका ईएमयू ट्रेनला मथुरा जंक्शनवर अपघात(accident) झाला. ही ट्रेन अचानक ट्रॅक सोडून प्लॅटफॉर्मवर चढली. दरम्यान, चांगली बाब म्हणजे जेव्हा हा अपघात घडला तेव्हा ट्रेनमध्ये कोणीही प्रवासी नव्हते.
या दुर्घटनेनंतर रेल्वे स्टेशनवर एकच गोंधळ सुरू झाला. लोक घाबरून इथे-तिथे पळू लागले. या अपघातात जिवितहानी झाल्याचे वृत्त नाही. ही ट्रेन अचानक ट्रॅक सोडून प्लॅटफॉर्मवर आली याचा तपास केला जात आहे.
#WATCH उत्तर प्रदेश: शकूरबस्ती से आ रही EMU ट्रेन मथुरा जंक्शन पर ट्रैक छोड़कर प्लेटफॉर्म पर चढ़ गई। (26.09) pic.twitter.com/TmbQCJPUiM
— ANI_HindiNews (@AHindinews) September 26, 2023
मिळालेल्या माहितीनुसार, ही ईमयू ट्रेन शकूरबस्ती येथून येत होती. रात्री साधारण १०.४९ मिनिटांच्या सुमार ट्रेन मथुरा स्टेशनवर पोहोचली. यानंतर सर्व प्रवासी मथुरा स्टेशनवर उतरले. मात्र ही ट्रेन ट्रॅकवरून हटल्यावर प्लॅटफॉर्मवर चढली. या कारणामुळए प्लॅटफॉर्म तुटला तर ट्रेनचे काही भाग दुर्घटनाग्रस्त झाले. याच कारणामुळे इतर रेल्वेंवर परिणाम झाला.
अपघातामुळे काही गाड्यांवर परिणाम
याबाबत माहिती देताना मथुरा रेल्वे स्टेशनचे डायरेक्टर एसके श्रीवास्तवने सांगितले की गाडी शकूरबस्ती येथून येत होती. यानंतर गाडीतून सर्व प्रवासी खाली उतरले. मात्र अचानक ही गाडी ट्रॅक सोडून प्लॅटफॉर्मवर चढली. याचा तपास केला जात आहे. या कारणामुळए प्लॅटफॉर्म आणि वरच्या शेडचे नुकसान झाले. तर काही गाड्यांवर परिणाम झाला. हा अपघात झाला तेव्हा रेल्वेत कोणीही प्रवासी नव्हते. नाहीतर मोठा अपघात झाला असता.
