Wednesday, July 24, 2024
Homeताज्या घडामोडीGanesh Chaturthi 2023 : खोटं सांगून गणपतीसाठी गावी गेला आणि...

Ganesh Chaturthi 2023 : खोटं सांगून गणपतीसाठी गावी गेला आणि…

मुंबई : आजारी असल्याचे कारण देत सुट्टी घेऊन कोकणात गणपतीसाठी (Ganesh Chaturthi 2023) गेलेल्या पोलीस निरीक्षकास निलंबित करण्यात आले आहे.

मिळालेल्या माहितीनुसार, घाटकोपर लोहमार्ग मुख्यालयात असलेल्या राखीव पोलीस निरीक्षक संजय सावंत यांनी गणपतीला गावी कणकवलीला जाण्यासाठी रजा मागितली होती. परंतू रजा नामंजूर करण्यात आली होती.

गणेशोत्सव सुरू असल्याने राज्यभरात मोठा पोलीस बंदोबस्त तैनात करण्यात आलेला आहे. मुंबई, पुण्यासारख्या मोठ्या शहरांमध्ये राज्यभरातून भाविक येत असतात. अशातच कोणतीही अनुचित घटना घडू नये म्हणून मोठा पोलीस बंदोबस्त तैनात करण्यात येतो. मुंबईत गणेशोत्सवानिमित्त संवेदनशील बंदोबस्त असल्याने सर्व पोलिसांच्या साप्ताहिक सूट्टी वगळता सगळ्या रजा रद्द करण्यात आल्या आहेत.

रजा रद्द करण्यात आल्यामुळे १४ तारखेला राखीव पोलीस निरीक्षक संजय सावंत यांनी आजारी असल्याचे कारण देत सुट्टी घेतली. यानंतर, ते आजारी आहेत का? याची खात्री करण्यासाठी त्यांच्या ठाकुर्ली येथील घरी पोलीस कर्मचारी पाठवला असता संजय सावंत गावी गेल्याचे समजताच त्यांच्यावर कारवाई करण्यात आली आहे. लोहमार्ग पोलीस आयुक्त रविंद्र शिसवे यांनी पोलीस निरीक्षक संजय सावंत यांस निलंबित केले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -