मुंबई:गणेशोत्सव(ganeshostav) म्हटला की कोकणी माणसाला ओढ लागते ती कोकणची. कधी एकदा कोकणात जातो असे होते. यंदाचा गणेशोत्सव अवघ्या काही दिवसांवर येऊन ठेपला आहे. त्यामुळे रेल्वे असो, बस किंवा खाजगी वाहन सगळेच हाऊसफुल्ल झाले आहेत. दरम्यान, आमदार नितेश राणे यांनी कोकणात जाणाऱ्या गणेशभक्तांसाठी धाव घेतली आहे.
भारताचे माननीय पंतप्रधान नरेंद्र मोदी यांच्या वाढदिवसानिमित्त माननीय आमदार नितेश राणे यांच्या संकल्पनेतून गेल्या अकरा वर्षा पासून कोकणात जाणाऱ्या भक्तांकरिता मोफत प्रवासाचा उपक्रम राबवला जात आहे. कोकणात जाणाऱ्या गणेशभक्तांसाठी खास मोदी एक्सप्रेस सोडली जाते. आमदार नितेश राणे स्वखर्चाने हा उपक्रम राबवतात.
चला #modiexpress pic.twitter.com/ncpYo0XkHi
— nitesh rane (@NiteshNRane) September 14, 2023
यंदा १७ सप्टेंबरला ही मोदी एक्सप्रेस सोडण्यात येणार आहे. या मोदी एक्सप्रेसच्या गाडीच्या तिकीटाचे वाटप आज करण्यात आले. यामुळे कोकणात जाणाऱ्या चाकरमान्यांसाठी ही आनंदाची बाबच म्हणावी लागेल. यावेळी तिकीट मिळाल्याबद्दल कोकणवासीय गणेशभक्तांनी नितेश राणे यांचे विशेष आभार मानले.
