Monday, July 15, 2024
HomeदेशJ&K: काश्मीरमध्ये दहशतवाद्यांशी चकमक, कर्नल, मेजर तसेच डीएसपी शहीद

J&K: काश्मीरमध्ये दहशतवाद्यांशी चकमक, कर्नल, मेजर तसेच डीएसपी शहीद

श्रीनगर: जम्मू-काश्मीरच्या(jammu-kashmir) अनंतनागमध्ये दहशतवाद्यांशी झालेल्या चकमकीत राष्ट्रीय रायफल्स युनिटचे कमांडिग कर्नल आणि एक मेजर शहीद झाले आहेत. हे अधिकारी 19RR ची कमान सांभाळत होते. भारतीय लष्कराने याला दुजोरा दिला आहे.

याशिवाय जम्मू-काश्मीरचे पोलीस डीएसपीही शहीद झाले असल्याची माहिती आहे. दहशतवाद्यांशी चकमकीत कर्नल मनप्रीत सिंह आणि मेजर आशिष धौनेक शहीद झाले आहेत. तर डीएसपी हुमायू भट शहीद झाले आहेत.

दहशतवाद्यांनी गोळीबार केला

ही चकमक अनंतनागच्या गुडूल गावात झाली. मिळालेल्या माहितीनुसार पोलीस, लष्कर आणि सीआरपीएफच्या संयुक्त टीमला या ठिकाणी दहशतवादी लपल्याची माहिती मिळाली होती. त्यानुसार या ठिकाणी विशेष घेराबंदी तसेच तपास अभियान सुरू केले होते. त्यानंतर लपलेल्या दहशतवाद्यांनी गोळीबार केला. दहशतवाद्यांच्या प्रारंभित गोळीबारीत ३ सुरक्षा अधिकारी गंभीररित्या जखमी झाले. यात दोन एक कर्नल आणि एक मेजर अधिकारी आहेत तर एक जम्मू-काश्मीरचे पोलीस डीएसपी आहेत.

अचानक सुरक्षा दलांवर केला हल्ला

जेव्हा यांना रुग्णालयात नेले जात होते त्याचवेळेस त्यांचा मृत्यू झाला. सूत्रांच्या माहितीनुसार या भागात दोन ते तीन दहशतवादी होते त्यांनी गोळीबार केला होता.

जम्मू-काश्मीरच्या राज्यपालांनी व्यक्त केला शोक

जम्मू-काश्मीरचे उपराज्यपाल मनोज सिन्हा यांनी ट्वीट करत या घटनेप्रकरणी शोक व्यक्त केला आहे. मी लष्कराचे बहादूर रायफलमॅन रवी यांच्या साहस आणि सर्वोच्च बलिदानाला सलाम. देशाच्या प्रती त्यांची निस्वार्थ सेवा नेहमीच लक्षात ठेवली जाईल.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -