वेळापत्रक कोलमडले
मुंबई : आज राज्यभरात दहीहंडीचा (Dahi handi) उत्सव जोरदार साजरा होत आहे. त्यात अनेक दिवस रजेवर गेलेल्या पावसानेही (Mumbai Rain) हजेरी लावली आहे. सगळीकडे उत्साहाचे वातावरण असताना लोकल ट्रेन्सने (Local trains) मात्र निराशा केली आहे. पावसामुळे लोकलचे वेळापत्रक कोलमडले आहे. या लोकल्स १५ ते २० मिनीटे उशीरा धावत आहेत. काही लोकल कॅन्सल करण्यात आल्या आहेत, तर काही वेळेच्या मागे – पुढे धावत आहेत. काही काही ठिकाणी तर अनाउंसमेंटच होत नाही, अशी स्थिती स्थानकांवर आहे.
आज दहीहंडीनिमित्त शासकीय सुट्टी जाहीर करण्यात आली आहे. त्यामुळे कामावर जाणार्‍यांची तितकी गर्दी नसली तरी अशासकीय कर्मचारी रेल्वे स्थानकांवर अडकले आहेत. अनेकजण दहीहंडी उत्सव पाहण्यासाठी घराबाहेर तर निघाले मात्र ट्रेन्स उशीरा धावत असल्याने त्यांचा उत्साह काही प्रमाणात मावळतो आहे. दरवेळेस पावसामुळे अडणार्‍या या लोकल ट्रेन्स यावेळेसही मुंबईकरांच्या निराशेला कारणीभूत ठरत आहेत.
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra