Tuesday, July 23, 2024
Homeक्रीडाVIDEO: फॉर्ममध्ये परतला जसप्रीत बुमराह, बीसीसीआयने शेअर केला व्हिडिओ

VIDEO: फॉर्ममध्ये परतला जसप्रीत बुमराह, बीसीसीआयने शेअर केला व्हिडिओ

मुंबई: भारत (india) आणि आयर्लंड (ireland) यांच्यात १८ ऑगस्टपासून टी-२० मालिका खेळवली जात आहे. जसप्रीत बुमराह (jasprit bumrah) या मालिकेत भारतीय संघाचे नेतृत्व करत आहेत. तो दीर्घकाळानंतर संघात परतत आहे. बुमराह दुखापतीमुळे संघाबाहेर होता. मात्र आता तो फिट आहे. बुमराह नुकताच नेट्समध्ये गोलंदाजी करताना दिसला. त्याच्या गोलंदाजीने फलंदाजाला चांगलेच हैराण केले. भारतीय क्रिकेट नियामक मंडळाने बुमराहच्या गोलंदाजीचा व्हिडिओ ट्वीट केला आहे. यावर चाहते विविध कमेंट करत आहेत.

टीम इंडियाने खेळाडूंच्या सरावाचा एक व्हिडिओ शेअर केला आहे. यात बुमराह नेट्समध्ये गोलंदाजी करताना दिसत आहे. बुमराहच्या बॉलमुळे नेट्समध्ये बॅटिंग करणारा खेळाडू चांगलाच हैराण झाला. या व्हिडिओवर असंख्य चाहत्यांनी विविध प्रतिक्रिया दिल्या आहेत.

बुमराहचे चाहते दीर्घकाळापासून तो संघात कधी परततो याची वाट पाहत होते. बुमराहला टीम इंडिया आशिया कपसाठीही संघात जागा देऊ शकते. यासोबतच मॅनेजमेंट वर्ल्डकपबाबतही त्याचा विचार करू शकते.

भारत आणि आयर्लड यांच्यातील टी-२० मालिकेतील पहिला सामना १८ ऑगस्टला खेळवला जाणार आहे. यानंतर दुसरा सामना २० ऑगस्ट आणि तिसरा सामना २३ ऑगस्टला खेळवला जाणार आहे. हे सर्व सामने डबलिनमध्ये होणार आहेत. भारताने बुमराहच्या नेतृत्वातील संघामध्ये युवा खेळाडूंचा भरणा केला आहे. भारताने ऋतुराज गायकवाड, यशस्वी जयसवाल, तिलक वर्मा आणि रिंकू सिंहला संघात स्थान दिले आहे. तसेच यासोबतच वॉशिंग्टन सुंदर, शिवम दुबे, शाहबाज अहमद, मुकेश कुमार आणि आवेश खानही संघात आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -