बीजिंगमध्ये २० जणांचा मृत्यू, २७ हून अधिक बेपत्ता; भीषण पूरस्थितीमुळे जनजीवन विस्कळीत
बीजिंग : मुसळधार पावसामुळे चीनमध्ये (China) भीषण पूरस्थिती निर्माण झाली असनू राजधानी बीजिंगमधील (Beijing) जनजीवन पूर्णपणे विस्कळीत झाले आहे. चीनमध्ये १४० वर्षांनंतर भीषण पूरस्थिती निर्माण झाली आहे. यात २० जणांचा मृत्यू झाला आहे. चीनमधील स्थानिक माध्यमांनी हे वृत्त दिले आहे. तर, ५२,००० हून अधिक लोकांना सुरक्षित ठिकाणी हलवण्यात आले आहे.
सलग चौथ्या दिवशी पावसाची कोसळधार पाऊस सुरू असल्याने राजधानी बीजिंगसह अनेक मोठी शहरे पाण्याखाली गेली आहेत.
बीजिंग हवामान खात्याने दिलेल्या माहितीनुसार, ७४४.८ मिमी पावसामुळे वांगजियायुआन जलाशय भरले आहे. पावसामुळे आतापर्यंत २० जणांना जीव गमवावा लागला असून २७ हून अधिक लोक बेपत्ता आहेत. मुसळधार पावसामुळे मदत आणि बचाव कार्यात अडचणी येत आहेत. द गार्डियन वृत्तपत्राने स्थानिक माध्यमांच्या हवाल्याने दिलेल्या रिपोर्टनुसार ही माहिती समोर आली आहे.
राष्ट्राध्यक्ष शी जिनपिंग यांनी सर्व स्थानिक प्रशासनांना सर्वतोपरी मदत करण्याचे निर्देश दिले आहेत. लिओनिंगमध्ये पूरग्रस्त भागातून सहा हजार लोकांना सुरक्षित ठिकाणी हलवण्यात आले आहे. यापूर्वी 1998 मध्ये चीनमध्ये भीषण पूर आला होता. ज्यामध्ये ४२०० लोकांचा मृत्यू झाला. यांगत्झी नदीच्या पुरामुळे बहुतेकांचा मृत्यू झाला. तर २०२१ मध्ये हेनान प्रांतात आलेल्या पुरात ३०० लोकांचा मृत्यू झाला होता.
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra