‘उठा तुमच्यावर लवकरच झोपायची वेळ येणार’ नरेश म्हस्के यांनी केलं होतं सूचक ट्विट
मुंबई : वर्षभरापूर्वी महाराष्ट्राचे सद्यकालीन मुख्यमंत्री एकनाथ शिंदे (Eknath Shinde) यांनी शिवसेनेत बंड केल्यामुळे शिवसेनेत उभी फूट पडली. मात्र त्या दिवसापासून ते आजतागायत एकनाथ शिंदेंच्या नेतृत्वाखालील शिवसेनेत ठाकरे गटाकडून पक्षप्रवेश होत आहेत. शिवसेना सोडून पुन्हा ठाकरे गटात मात्र कोणीही गेलेले नाही. यातच आता आणखी एक नेता ठाकरे गटातून शिवसेनेत पक्षप्रवेश करणार आहे. या गोष्टीमुळे ठाकरे गटाच्या चिंतेत भर पडली असून पक्षाला लागलेली गळती कायम असल्याचे चित्र आहे.
याबाबत शिवसेनेचे प्रवक्ते नरेश म्हस्के (Naresh Mhaske) यांनी आज सकाळीच एक सूचक ट्विट केलं होतं. आज ‘उबाठा’चा आणखी एक मोहरा कमी होईल असं म्हणत त्यांनी ‘उठा तुमच्यावर लवकरच झोपायची वेळ येणार’ असा सूचक इशारा उद्धव ठाकरेंना (Uddhav Thackeray) दिला होता. खरा कार्यकर्ता हा कधीही ठाकरे गटासोबत राहू शकत नाही, अशा अशायाची एक कविता नरेश मस्के यांनी ट्विट केली होती. मात्र या नेत्याचं नाव गुलदस्त्यात होतं. आता हे नाव समोर आलं असून पक्षप्रवेश देखील पार पडल्याने हा ठाकरे गटासाठीचा मोठा धक्का आहे.
आज ‘उबाठा’चा आणखी
एक मोहरा कमी होईल
खऱ्या शिवसेनेत येऊन
विचारांशी निष्ठा ठेवीलनाहीच राहू शकत तिथे
खरे कार्यकर्ते आता
स्मशान शांतता पसरणार तिकडे
मारोत कुणी काही बातासुपडा साफ होणार आणि
तुमचे उखळ पांढरे होणार
‘उठा’ तुमच्यावर लवकरच
झोपायची वेळ येणारED चा फेरा ठेपलाच आहे… pic.twitter.com/5PwBC1nsQk
— Naresh Mhaske (@nareshmhaske) June 27, 2023
संजय अगलदरे (Sanjay Agaldare) असं शिवसेनेत प्रवेश करणाऱ्या नेत्याचं नाव आहे. आज वर्षा या मुख्यमंत्री एकनाथ शिंदे यांच्या निवासस्थानी त्यांचा पक्षप्रवेश पार पडला. ठाकरे गटाचे अनिल परब यांच्या ते जवळचे आहेत. संजय अगलदरे हे तीन वेळा नगरसेवक राहिले आहेत. एकदा वरळी तर दोन वेळा खार दांडा येथून ते नगरसेवक झाले आहेत.
संजय अगलदरे यांनी पक्षप्रवेश केल्यानंतर आपलं बाळासाहेबांचं हिंदुत्वाचं सरकार स्थापन झाल्यानंतर थांबलेली विकासकामे सुरू झाली आहेत, असे शिंदे-फडणवीस सरकारबद्दल गौरवोद्गार काढले. आपलं सरकार आलं आणि चांगल्या सेवा मिळाव्या यासाठी अनेक गोष्टी केल्या असंही त्यांनी म्हंटलं.
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra