Saturday, July 20, 2024
Homeताज्या घडामोडीदिंडोरी येथील रणतळेजवळ तिहेरी अपघात; बसने मारली पलटी

दिंडोरी येथील रणतळेजवळ तिहेरी अपघात; बसने मारली पलटी

जीवीतहानी नाही, काही प्रवासी किरकोळ जखमी

दिंडोरी: नाशिक-दिंडोरी-वणी मार्गावर रणतळेजवळ बस सह तीन वाहनांमध्ये अपघात झाला असून अपघातात कोणतीही जीवीतहानी झाली नाही. मात्र बस व वाहनांचे मोठ्या प्रमाणात नुकसान झाले आहे. तर चार ते पाच प्रवासी किरकोळ जखमी झाले आहेत.

दिंडोरीकडून नाशिककडे जाणारी बस (क्रमांक- MH40N9432) रणतळेजवळ चढाव चढत असतांना समोरुन भरधाव वेगाने येत असलेल्या बोलेरो (क्रमांक-MH15BC6226) वाहनास धडकल्याने रस्त्याच्या कडेला पलटी झाली. तसेच बसच्या मागे असलेली अल्टोटो कार (क्रमांक-MH05CA149) ही बसला मागून धडकली. यामध्ये बोलेरोच्या चालकाचे वाहनावरील नियंत्रण सुटले असल्याचे समजते. तर, बसमध्ये एकुण ३४ प्रवासी प्रवासी होते.

दरम्यान, नाशिक-दिंडोरी-वणी या मार्गावर होणारे सततचे अपघात टाळण्यासाठी उपाययोजना करण्याची मागणी प्रवासी वर्गातून होत आहे. याबाबत दिंडोरी पोलीस ठाण्यात गुन्हा दाखल झाला असून अधिक तपास पोलिस निरीक्षक प्रमोद वाघ करत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -