Sunday, July 14, 2024
Homeताज्या घडामोडीभावी मुख्यमंत्र्यांच्या यादीत आता राज ठाकरेंचाही समावेश

भावी मुख्यमंत्र्यांच्या यादीत आता राज ठाकरेंचाही समावेश

दादरच्या शिवतीर्थावर लागले बॅनर्स

मुंबई : राज्याच्या राजकारणात सध्या अनेक नेत्यांचे समर्थक आपल्या नेत्याला भावी मुख्यमंत्रीपद मिळावे अशी स्वप्नं पाहत आहेत. मागील काही दिवसांत ज्या नेत्यांचे वाढदिवस झाले, त्यांचे ‘भावी मुख्यमंत्री’ असा उल्लेख करणारे बॅनर्स जागोजागी झळकले. अजित पवार, नाना पटोले, जयंत पवार, सुप्रिया सुळे यानंतर आता महाराष्ट्र नवनिर्माण सेनेचे अध्यक्ष राज ठाकरेंचाही या यादीत समावेश झाला आहे.

राज ठाकरेंच्या १४ जूनला असलेल्या वाढदिवसानिमित्त दादरच्या शिवतीर्थावर बॅनर्स लावण्यात आले आहेत. या बॅनर्सवर राज ठाकरेंचा ‘भावी मुख्यमंत्री’ असा उल्लेख करण्यात आला आहे. यंदा लोकसभा निवडणुकांच्या पार्श्वभूमीवर राज्यात सर्वच पक्षांमध्ये चढाओढ सुरु झाल्याचे चित्र आहे. त्यात बॅनरबाजी हा चर्चेचा विषय ठरत आहे.

राज्यात पक्षांच्या कार्यकर्त्यांचा उत्साह ओसंडून वाहत असला तरी वाढदिवसानिमित्त भेटायला येणा-या कार्यकर्त्यांनी पुष्पगुच्छ, मिठाई किंवा भेटवस्तू आणू नये, अशी विनंती राज ठाकरेंनी केली आहे. त्याऐवजी झाडांची रोपे आणि शैक्षणिक साहित्य घेऊन येण्याचे आवाहन त्यांनी केले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -