Thursday, July 25, 2024
Homeताज्या घडामोडीधक्कादायक! सात वर्षाच्या मुलाकडून ३ वर्षांच्या मुलीवर बलात्कार...

धक्कादायक! सात वर्षाच्या मुलाकडून ३ वर्षांच्या मुलीवर बलात्कार…

कानपूर : एका सात वर्षांच्या मुलाने तीन वर्षांच्या मुलीवर बलात्कार करण्याचा प्रयत्न केला. ही घटना कानपूर शहराच्या चकेरी परिसरात घडली. धक्कादायक असे की, अल्पवयीन आरोपीने पीडितेवर कट रचून बलात्कार करण्याचा प्रयत्न केला.

आरोपीने पीडितेला सायकलवर बसवून फिरण्याचे आमिष दाखवले आणि तिला जवळच्या नाल्याजवळ नेले. तेथे नेऊन तिच्यावर त्याने बलात्कार करण्याचा प्रयत्न केला.

सोबतच्या मुलाकडून आपल्यासोबत काहीतरी विचित्र प्रकार घडते आहे हे लक्षात येताच पीडिता घाबरुन गेली. तिने आरडाओरडा करण्यास सुरुवात केली असता या मुलाने तिला धमकावले. परंतु पीडितेचा आरडाओरडा ऐकून परिसरातील नागरिक घटनास्थळी धाऊन आले. नागरिकांना पाहताच मुलगा मुलीला तिथेच सोडून पळून गेला.

दरम्यान, नागरिकांनी मुलीला धीर देण्याचा प्रयत्न केला आणि तिच्या कुटुंबीयांनाही घटनेची माहिती दिली. पिडीतेला जखमी अवस्थेत रूग्णालयात नेण्यात आले आणि गृहनिर्माण नर्सिंग होममध्ये दाखल करण्यात आले.

अल्पवयीन मुलाने तिला ब्लेडने जखमी केल्याचाही आरोप कुटुंबीयांनी केला आहे.

चकेरीचे पोलीस अधिक्षक अमर नाथ यादव यांनी सांगितले की, डबल कॉलनी येथील एका सात वर्षीय मुलाने परिसरातीलच तीन वर्षांच्या मुलीला नाल्याजवळ नेले आणि तिच्यासोबत अमानूष वर्तन करण्याचा प्रयत्न केला. मुलीला सध्या रुग्णालयात दाखल करण्यात आले असून तिच्यावर उपचार सुरु आहेत. पीडिता आणि आरोपी अल्पवयीन असल्याने सर्व बाजू विचारात घेऊन कायदेशीर कारवाई सुरु आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -