पुलवामा : पुलवामा येथील दहशतवादी हल्ल्याचा कट उधळला आहे. पोलिसांनी इशफाक नावाच्या व्यक्तीला अटक केली. त्याच्याकडून ५ ते ६ किलो आयईडी जप्त करण्यात आले. या प्रकरणी राज्य पोलिसांनी ओजीडब्ल्यू इश्फाक अहमद वानी याला ताब्यात घेतले. ओजीडब्ल्यूला पुलवामाच्या अरिगाम भागातून शोध मोहिमेदरम्यान अटक केली. पकडलेल्या दहशतवादी सहकाऱ्याच्या खुलाशाच्या आधारे, ५ते ६ किलो वजनाचा पूर्वनिर्मित आयईडी जप्त करण्यात आले. येत्या काही दिवसांत जी २० बैठकीपूर्वी सुरक्षा दलांच्या वाहनांवर हल्ला करण्यासाठी आयईडीचा वापर केला जाणार असल्याने मोठी दुर्घटना टळली, असे पोलिसांनी सांगितले. सध्या या प्रकरणी गुन्हा दाखल करण्यात आला असून पुढील तपास सुरू असल्याचे पोलिसांनी सांगितले.
