उद्धव ठाकरेंच्या परदेश दौऱ्याचा खर्च करतो कोण?

मातोश्रीसह ठाकरेंचा सर्व खर्च मुंबईचे गुजराती उद्योजक आणि बिल्डर करत असल्याचा भाजप आमदार नितेश राणे यांचा गंभीर आरोप!

मुंबई : ठाकरे गटाचे खासदार संजय राऊत यांना उत्तर देण्यासाठी भाजप आमदार नितेश राणे यांची भाजपने निवड केली. नितेश राणे राऊत यांच्यानंतर रोज प्रत्युत्तर पत्रकार परिषद घेतात. आज त्यांनी संजय राऊत यांचा एकेरी उल्लेख करत महाविकास आघाडीच्या नेत्यांवर टीका केली. तसेच उद्धव ठाकरे आणि त्यांचे कुटुंब, मातोश्री कोण चालवत आहे. गुजराती समाजाचा तुम्हाला पैसा चालतो. उद्धव ठाकरे बाहेर फिरतात, हे पैसे कुणाचे असतात. उद्धव ठाकरेंच्या खिशातून एक रूपयापण जात नाही. सर्व खर्च मुंबईचे उद्योजक आणि बिल्डर करतात. यावेळी त्यांना गुजरात्यांचा पैसा चालतो, असा गंभीर आरोप नितेश राणे यांनी केला आहे.

नितेश राणे म्हणाले, ठाकरेंना गुजरात्यांचा पैसा चालतो. मात्र गुजरात्यांवर टीका करत आहेत. शाहांच्या नावाची अॅलर्जी आहे. पण उद्धव ठाकरे जे बाहेर फिरतात. त्यांचा खर्च कोण करते? गुजराती बंधू मातोश्री चालवतात. मात्र अमित शाहांच्या दौऱ्यावर टीका करतात.

यावेळी त्यांनी संजय पांडे हे उद्धव ठाकरे यांचे जावई म्हणून फिरायचे, असाही खळबळजनक आरोप नितेश राणे यांनी केला आहे. मविआ संविधान मानत नाही. ते शरीया कायदा पाळणारे लोक आहेत. तोच कायदा हे लोक पाळतात. संविधान पाळत असते तर आमच्या राज्यांमध्ये हिंदूंच्या देवतांवर अन्याय झाले नसते. मुंबईचे तेव्हाचे सीपी संजय पांडे हा उद्धव ठाकरेंचा जावई म्हणून फिरायचा. तो संजय पांडे रझाकारांबरोबर इफ्तार पार्टी करत असतो.

दरम्यान, नितेश राणे यांनी आदित्य ठाकरे यांचा छोटे पेंग्वीन असा उल्लेख केला. काल उद्धव ठाकरे आणि आदित्य ठाकरे हुतात्मा चौकात गेले होते. हुतात्मा चौकाचे शुद्धीकरण करण्याची मागणी देखील राणे यांनी केली.