गुजरातने जिंकली दिल्ली

राशिद खान, मोहम्मद शमी, साई सुदर्शन चमकले


दिल्ली (वृत्तसंस्था) : राशिद खान, मोहम्मद शमी आणि अल्झेरी जोसेफ या गोलंदाजांच्या तिकडीने दिल्ली कॅपिटल्सच्या फलंदाजीची कंबरच मोडली. त्यानंतर माफक लक्ष्याचा पाठलाग करताना साई सुदर्शनने नाबाद ६२ धावा तडकावत गुजरात टायटन्सला ६ विकेट राखून सोपा विजय मिळवून दिला. दुसरा सामनाही जिंकत गतविजेत्या गुजरातने यंदाच्या हंगामातील आपली विजयी लय कायम ठेवली.


दिल्ली कॅपिटल्सने दिलेल्या १६३ धावांच्या लक्ष्याचा पाठलाग करण्यासाठी फलंदाजीला आलेल्या गुजरात टायटन्सला विकेट वाचविण्यात यश आले नसले तरी त्यांनी धावांचा वेग कमी होऊ दिला नाही. ५४ धावांवर त्यांचे ३ फलंदाज बाद झाले असले तरी ते दहाच्या रनरेटने फलंदाजी करत होते. मात्र साई सुदरर्शनने आधी विजय शंकर आणि नंतर डेविड मिलरसोबत भागीदारी करत संघाला विजय मिळवून दिला. साईने नाबाद ६२ धावांची विजयी खेळी खेळली. विजय शंकरने २९, तर डेव्हिड मिलरने नाबाद ३१ धावा ठोकल्या. त्यामुळे गुजरातने १८.१ षटकांत ४ फलंदाजांच्या बदल्यात सामन्यात बाजी मारली.


मोहम्मद शमी आणि राशिद खान यांच्या गोलंदाजीपुढे दिल्लीच्या फलंदाजांची दाणादाण उडाली. दिल्लीने निर्धारित २० षटकांत आठ विकेटच्या मोबदल्यात १६२ धावा केल्या. सलामीवीर पृथ्वी शॉला बाद करत मोहम्मद शमीने दिल्लीला पहिला धक्का दिला. कर्णधार डेव्हिड वॉर्नरने दिल्लीतर्फे सर्वाधिक ३७ धावा जमवल्या. त्याला सर्फराज खानने ३० धावांची साथ दिली. दिल्लीच्या अन्य प्रमुख फलंदाजांनी मात्र निराश केले. शेवटच्या षटकांत अष्टपैलू अक्षर पटेल (३६ धावा) आणि आणि यष्टीरक्षक अभिषेक पोरेल (२० धावा) यांनी फटकेबाजी करत दिल्लीला कसेबसे १६२ धावांपर्यंत पोहचवले. गुजरातच्या मोहम्मद शमी आणि राशिद खान यांनी प्रत्येकी ३ बळी मिळवले. तर अल्झेरी जोसेफने २ विकेट घेतल्या.

Comments
Add Comment

उपांत्य फेरीत भारतीय संघ खेळणार 'या' संघाविरूद्ध!

मुंबई: महिला एकदिवसीय विश्वचषक २०२५ अखेरच्या टप्प्यात येऊन पोहोचला असून उपांत्य फेरीची उत्सुकता क्रिकेट

'रो-को'ने ऑस्ट्रेलियाचा विजयरथ रोखला, रोहितचे शतक आणि विराटचे अर्धशतक; 'रो-को'ची ऐतिहासिक कामगिरी

सिडनी : भारत आणि ऑस्ट्रेलिया यांच्यात सिडनीच्या मैदानावर रंगलेला एकदिवसीय सामना भारताने नऊ गडी राखून जिंकला.

“विकसित भारत चॅलेंज ट्रॅक” मुंबईत युवा महोत्सव २७ ऑक्टोबरला

मुंबई : युवकांचा सर्वांगीण विकास, भारतीय संस्कृती आणि परंपरेचे जतन, सुप्त गुणांना प्रोत्साहन तसेच राष्ट्रीय

तिसऱ्या युथ आशियाई क्रीडा स्पर्धेत भारताला सुवर्ण

मुंबई : बहरीनमधील मनामा येथे आशियाई युवा क्रीडा स्पर्धा २०२५ मध्ये भारताने कबड्डीमध्ये पूर्ण विजय मिळवत सुवर्ण

सिडनी ODI मध्ये ऑस्ट्रेलिया ऑलआऊट

सिडनी : भारत आणि ऑस्ट्रेलिया यांच्यात तीन एकदिवसीय सामन्यांची मालिका सुरू आहे. ही मालिका ऑस्ट्रेलियाने आधीच २ - ०

ऑस्ट्रेलियाच्या भारताविरुद्धच्या एकदिवसीय टी-२० संघात मोठे फेरबदल! ग्लेन मॅक्सवेल आणि बेन ड्वार्शुइस अखेरच्या टप्प्यात संघात परतणार

मुंबई: भारताविरुद्धच्या तिसऱ्या आणि शेवटच्या वनडेसह आगामी टी-२० मालिकेसाठी ऑस्ट्रेलियाने आपल्या संघात अनेक