नवी दिल्ली (वृत्तसंस्था) : आयपीएलचा आगामी हंगाम सुरू होण्यापूर्वीच कोलकाता नाईट रायडर्सच्या अडचणीत वाढ होत आहे. दुखापतींचा पाठलाग सुटण्याचे नाव घेत नाही. श्रेयस अय्यर, लॉकी फर्ग्युसन यांच्या पाठोपाठ नितीश राणाही जखमी झाल्याचे समजते. सरावादरम्यान त्याला दुखापत झाली.
कोलकाता नाईट रायडर्स संघाच्या खेळाडूंनी घरच्या मैदानावर ईडन गार्डन्सवर सराव सुरू केला असून, यामध्ये आतापर्यंत संघातील अनेक महत्त्वाचे खेळाडू सामील झाले आहेत. एका स्पोर्ट्स वेबसाईटवर दिलेल्या माहितीनुसार, सराव सत्रादरम्यान स्टार फलंदाज नितीश राणाच्या डाव्या गुडघ्याला दुखापत झाली. नेटवर फलंदाजीचा सराव करताना राणाला दुखापत झाली होती. नितीश राणाने आधी नेट प्रॅक्टीसदरम्यान वेगवान गोलंदाजांचा सामना केला, तर दुसऱ्या बाजूला फिरकी गोलंदाजांचा सामना केला, त्यानंतर तो थ्रो-डाऊनचा सराव करण्यासाठी जात असताना त्याच्या डाव्या गुडघ्याला चेंडू लागला. यानंतर नितीशला तत्काळ मैदानाबाहेर नेण्यात आले. त्यानंतर त्याने पुढील सरावात भाग घेतला नाही.
आयपीएलच्या आगामी हंगामात केकेआरचा संघ २ एप्रिल रोजी पंजाब किंग्ज विरुद्धच्या सामन्याने आपल्या मोहिमेची सुरुवात करेल. मात्र, त्याआधी फ्रँचायझीला श्रेयस अय्यरच्या जागी नव्या कर्णधाराच्या नावाची घोषणा करावी लागणार आहे.
आयपीएलच्या १६व्या हंगामाला काही दिवस शिल्लक असताना संघांतील खेळाडू तयारीला लागले आहेत. चेन्नई सुपर किंग्सचा संघही सराव करत असून त्यांचा स्टार खेळाडू महेंद्र सिंह धोनी फलंदाजी आणि गोलंदाजी करत आहे. चेन्नई सुपर किंग्सने धोनीचा एक व्हीडिओ शेअर केला आहे. त्यात धोनी फलंदाजी आणि गोलंदाजी करताना दिसत आहे.
चेन्नई सुपर किंग्सने शेअर केलेल्या धोनीच्या व्हीडिओत तो दोन वेगवेगळे शॉट्स खेळत आहे. पहिल्या शॉटमध्ये धोनी बॉलिंग करताना दिसत आहे, तर दुसऱ्या शॉटमध्ये तो बॅटिंग करून मोठा शॉट मारताना दिसत आहे.
आयपीएलला काही दिवस शिल्लक असताना जखमी आणि अनुपलब्ध खेळाडूंचे बदली खेळाडू मिळविण्याला वेग आला आहे. राजस्थान रॉयलला वेगवान गोलंदाज प्रसिद्ध कृष्णाचा पर्यायी गोलंदाज शोधायचा आहे. दरम्यान लिलावात कोणाही खरेदी न केलेला संदीप शर्मा राजस्थानची जर्सी परिधान करून संघासोबत प्रवास करताना दिसला. त्यामुळे कृष्णाचा तो पर्यायी खेळाडू असल्याचे बोलले जात आहे. मात्र त्याबद्दल राजस्थानकडून अधिकृत घोषणा झालेली नाही.
ट्विट करत दाखवलं भारतावरचं प्रेम बंगळुरू : भारतात बंगळुरू येथे २४ मे रोजी होणार असलेल्या एनसी…
पहलगाम : जम्मू काश्मीरमधील पहलगाम येथे अतिरेक्यांनी मंगळवार २२ एप्रिल २०२५ रोजी २६ पर्यटकांची हत्या…
आज २५ एप्रिल म्हणजे जागतिक मलेरिया दिन. डासांच्या चावण्यामुळे होणाऱ्या गंभीर आजारांपैकी एक मलेरिया आहे.…
मुंबई(ज्ञानेश सावंत): अठराव्या हंगामात चेन्नई व हैदराबाद यांना अजूनही सूर गवसलेला नाही.हैदराबादने सुरवातीला जो जोश…
मुंबई : महारेराने व्यापगत प्रकल्पांना पाठवलेल्या नोटिसेसला प्रतिसाद म्हणून ३६९९ प्रकल्पांनी त्यांचे प्रकल्प पूर्ण झाले…
नवी दिल्ली: पहलगाम येथे झालेल्या दहशतवादी हल्ल्यानंतर भारताने पाकिस्तानच्या नागरिकांचा व्हिसा रद्द करण्याचा निर्णय घेतला…