Saturday, February 15, 2025
Homeताज्या घडामोडीठाकरेंच्या देव्हाऱ्यातील 'तो' धनुष्यबाण शिंदेंनीच गिफ्ट दिलेला!

ठाकरेंच्या देव्हाऱ्यातील ‘तो’ धनुष्यबाण शिंदेंनीच गिफ्ट दिलेला!

मुंबई : निवडणूक आयोगाने शिवसेना पक्ष आणि धनुष्यबाण चिन्ह एकनाथ शिंदे गटाला दिल्यानंतर उद्धव ठाकरेंनी पत्रकारांना खरा धनुष्यबाण आपल्याकडे असल्याचे वक्तव्य केले होते. यावेळी त्यांनी शिवसेनाप्रमुखांच्या देव्हाऱ्यातील छोट्या धनुष्यबाणाची प्रतिकृती दाखविली होती. तो खरा धनुष्यबाण मुख्यमंत्री एकनाथ शिंदे यांनीच बाळासाहेबांना भेट दिला होता, अशी चर्चा आता सुरू आहे.

उद्धव ठाकरे यांनी दाखवलेला ‘तो’ धनुष्यबाण बाळासाहेबांना तुम्ही गिफ्ट दिला होता का? असा प्रश्न पत्रकारांनी विचारला असता शिंदे यांनी हास्यमुद्रेत मी दिलेल्या गोष्टी कधी काढत नाही आणि त्यावर बोलणार नाही, अशी प्रतिक्रिया दिली.

धनुष्यबाण आणि शिवसेना नावाचे आम्ही स्वागत केलेले आहे. निवडणूक आयोगाचा निकाल कायम आहे. खरी शिवसेना आमच्याकडेच आहे, असे शिंदे म्हणाले. आमच्या बाजूने निर्णय आल्याने उद्धव ठाकरे आणि विरोधकांच्या पायाखालची वाळू सरकलेली आहे. आम्ही जे धडाकेबाज निर्णय घेतोय त्यामुळे ते घाबरलेले आहेत आणि बिथरलेले आहेत. त्यामुळे आमच्यावर आरोप करत आहेत, पण आम्ही कामाने उत्तर देऊ, असेही ते म्हणाले.

एमपीएससीच्या प्रश्नावर निवडणूक आयोग हे माझ्याकडून अनावधानाने झाले आहे. नेहमी निवडणूक आयोग, कोर्ट अशा गोष्टी चालू असल्यामुळे तसे झाले, असे शिंदे म्हणाले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -