Saturday, July 20, 2024
Homeमहाराष्ट्रठाणेकेडीएमसीकडून अनधिकृत बांधकामांवर धडक कारवाई

केडीएमसीकडून अनधिकृत बांधकामांवर धडक कारवाई

कल्याण : कल्याण-डोंबिवली महापालिकेच्या अनधिकृत बांधकाम विरोधी विभागातर्फे कल्याण पश्चिम वाडेघर येथील श्रमिक सोसायटी मधील अनधिकृत कार्यालयाच्या बांधकामावर आणि चिकणघर गल्ली नं. ४ येथील अनधिकृत गाळ्याच्या बांधकामावर निष्कासनाची कारवाई करण्यात आली. ही कारवाई आयुक्त डॉ. भाऊसाहेब दांगडे यांच्या निर्देशानुसार व उपायुक्त सुधाकर जगताप यांच्या मार्गदर्शनाखाली ‘ब’ प्रभागाचे सहाय्यक आयुक्त राजेश सावंत यांनी अनधिकृत बांधकाम नियंत्रण विभागाचे कर्मचारी आणि महापालिका पोलिस कर्मचारी यांच्या मदतीने केली.

तसेच ह प्रभागातही सहाय्यक आयुक्त सुहास गुप्ते यांनी डोंबिवली पश्चिम कोपर क्रॉस रोड, जैन मंदिर शेजारी बांधकामधारक ब्रिजेश सिंग व सोमनाथ भोईर यांच्या ७ मजली अनधिकृत इमारतीच्या स्लॅब बांधकामावर निष्कासनाची धडक कारवाई केली. हि कारवाई अनधिकृत बांधकाम नियंत्रण विभागाचे अधिक्षक अरुण पाटील व इतर कर्मचारी, महापालिका पोलिस कर्मचारी, विष्णुनगर पोलिस स्टेशनचे कर्मचारी यांच्या मदतीने आणि ४ काँक्रीट ब्रेकर व २० मजूर यांच्या सहाय्याने करण्यात आली.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -