Monday, July 15, 2024
Homeमहाराष्ट्रठाणेअनधिकृत रेती उत्खननावर धडक कारवाई

अनधिकृत रेती उत्खननावर धडक कारवाई

ठाणे: ठाणे व भिवंडी तहसील कार्यालयाच्या पथकाने आज अनधिकृत रेती उत्खननावर धडक कारवाई केली. या कारवाईमध्ये अंदाजे ५० लाखांचा मुद्देमाल नष्ट करण्यात आला असल्याची माहिती जिल्हा प्रशासनाने दिली आहे.

मुंब्रा खाडी, कोपर खाडी व भिवंडी लगतच्या खाडीमध्ये गस्तीवर असलेल्या अनधिकृत रेती उत्खननावर ठाणे जिल्हाधिकारी कार्यालयामार्फत धडक कारवाई करण्यात येत आहे. आज झालेल्या कारवाईत त्यांनी २ सक्शन पंप आणि २ बार्ज नष्ट केले. तसेच खाडी लगत असलेल्या रेती साठ्यासह 3 कुंड्या नष्ट करण्याची कारवाई केली.

मागील तीन आठवड्यामध्ये प्रशासनाने आठ कारवाया केल्या आहेत. या कारवायांमध्ये ९ बार्ज, ७ सक्शन पंप, २० ब्रास रेतीसाठा, ९ रेतीच्या कुंड्या नष्ट करण्यात आले. सदर साहित्याची एकूण किंमत १.७२ कोटी रुपये आहे. अनधिकृत गौण खनिज उत्खनन व वाहन याच्यावर देखरेख ठेवण्याकरिता अद्ययावत ‘महाखनिज प्रणालीचा’ वापर करण्यात येत असून त्याद्वारे छाननी करून अनधिकृत वाहनांवर कारवाई करण्यात येत असल्याचेही जिल्हा प्रशासनाने कळविले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -