(स्वामी म्हणती) नको घेऊ तू शंका
साऱ्या जगभर माझाच रे डंका ।। १।।
शत्रूची जरी मोठी लंका
मज स्पर्शाने रामाची श्रीलंका ।। २।।
होती रावणाची सोन्याची लंका
हनुमान शेपटीने केली जळकी लंका ।। ३।।
वृथा नको ठेवू उगाच गर्व
मी जाणतो आत-बाहेर सर्व ।। ४।।
तुझ्या झूट गर्वाचा दर्प
तुलाच डसेल तुझाच सर्प ।। ५।।
माझ्या पायातळी तुला रे मुक्ती
कर माझी काम करतानाच भक्ती ।। ६।।
नाही माझी काही सक्ती
तुझ्या चांगुलपणा मागे माझी ती शक्ती ।। ७।।
नको उगाच तू रे भिऊ
राक्षसाला टाकेन मी खाऊ।। ८।।
भूत पिशाच्च सारे होतील मऊ
दत्तगुरू सारे माझे भाऊ ।। ९।।
ब्रह्मा विष्णू महेश
सारे माझेच ते नरेश ।।१०।।
सिंधु सिंधुतला मी आहे बिंदू
जगनिमार्त्याला आपण सारे वंदू।। ११।।
कधी श्रीकृष्णाचा मी बलराम
पार्थ अर्जुनाचे करतो सारे काम ।।१२।।
दिवस-रात्र करा तुम्ही काम
दिन रात्र गाळ तुम्ही घाम ।।१३।।
पहाटे घ्या माझेच नाम
नामातच लपला माझा श्रीराम ।।१४।।
श्रीराम नामाचे तरंगले दगड
लंकासेतू बांधला हनुमान फक्कड।।१५।।
छोटी खारसुद्ध मदतीला फक्कड
नरवानर, बांधला सेतू नुक्कड ।।१६।।
तेथे होती रामनामाची जादू
रावणाची लंका हालली गदगदू।।१७।।
वाळू किनारी शंकराची पिंडी
रामसुद्धा पूजा करी जग दिंडी ।।१८।।
शंख फुकूनी पिटवीली दवंडी
जांभुवंत नलअगंद बांधली तिरडी।।१९।।
राम बाण लागुनी रावण उतरंडी
नरकाला गेला रावण पाखंडी।।२०।।
श्री रामसेवेने रोज दिवाळी दसरा
प्रत्येक दिवस होईल हसरा।।२१।।
नको करू कोणताच नखरा
राम नामाने दूर होईल रोग दुखरा।।२२।।
सर्वत्र जळीस्थळी काष्टी
सर्वत्र चालती माझ्याच गोष्टी ।।२३।।
श्रीराम कबिराचा मी होतो कोष्टी
श्रीकृष्णालाही वासुदेव सांगे गोष्टी ।।२४।।
उत्तम ते जिंकवण्यासाठी मी पराकाष्टी
दुःख, पराभव, जाई समष्टी।।२५।।
मी उडवतो यमाचीही दांडी
अष्टमीला फोडतो मी सुखाची हंडी।।२६।।
श्रीकृष्णाबरोबर खेळतो मी दहीहंडी
दुश:सनाची मी फोडतो मांडी।।२७।।
दुर्योधनाची मी करतो गचांडी
शकुनी मामाची उतरंडी।।२८।।
कंसमामाची फोडतो मी नरडी
द्रौपदीची फुलांनी भरतो परडी।।२९।।
वाटतो मी सांब शिवशंकर
वाटे भोळा साधा शंकर ।।३०।।
तपस्या केली मी भयंकर
देतो एकच भयंकर ।।३१।।
डमरूसह नृत्य तांडव
नाचती सारे यक्ष दक्ष तांडव ।।३२।।
पार्वतीच्या लग्नाला स्मशानात मांडव
त्रिलोक हाले करता तांडव ।।३३।।
स्वामींचा उघडा सदैव तिसरा डोळा
आशीर्वाद घेण्यास भक्त गोळा ।।३४।।
करा रोज नाम जप सोळा
पुण्य करा हो सारे गोळा ।।३५।।
स्वर्गात नेणार नाही रुपये सोळा
शरीराचा होणार पालापाचोळा ।।३६।।
आई-वडील आजी-आजोबा होती गोळा
आशीर्वाद घेऊनी द्या पुरणपोळ्या ।।३७।।
सारे खाली हात आले गेले
पुण्य केले तेच स्वर्गात गेले ।।३८।।
राम नाम स्वामीनाम घेत गेले
स्वामी नामानेच संकटात तरले ।।३९।।
अमर विलास स्वामी सेवा करत आले
स्वामी चालिसा पुरी करत आले ।।४०।।
-विलास खानोलकर
