मुरबाड: मुरबाड मधील सिद्धीस इन्स्टिटयूट ऑफ फार्मसी टेक्निकल इन्स्टिटयूटला महाराष्ट्रात प्रथम क्रमांक मिळाला आहे. तब्बल ६ हजार प्रोजेक्ट्समधून त्यांची निवड करण्यात आली. मुंबईमध्ये वरळी एक्सिबिशन सेंटर येथे पार पडलेल्या कार्यक्रमात हे पारितोषिक प्रदान करण्यात आले. बी. एस मार्शल फाउंडेशनचे संस्थापक बलदेवकृष्ण शर्मा, न्यूक्लियर सायंटिस्ट डॉ. अ. प. जयरामन, रोटरी क्लब वरळीचे अध्यक्ष. सचिन संघवी व आयसीटीचे माजी कुलगुरू जे. बी. जोशी, यांच्या हस्ते हा पुरस्कार देण्यात आला.
या महाविद्यालयातील विद्यार्थी प्राजक्ता गावडे, मानसी शेळके, राहुल विश्वकर्मा व पियुष यादव यांनी हा प्रोजेक्ट तयार केला होता. प्रथम पारितोषिक म्हणून सर्टिफिकेट, सन्मानचिन्ह व रुपये १ लाखाचे बक्षीस देण्यात आले. यावेळी महाविद्यालयाचे प्राचार्य डॉ. रजनीकांत काकडे प्रा. मोहित जाधव उपस्थित होते. सर्व विद्यार्थ्यांचे बापूसाहेब देशमुख सेवा प्रतिष्ठानचे चेअरमन संतोष अनंत देशमुख यांनी कौतुक केले आहे. महाविद्यालयात रिसर्च करणे हि काळाची गरज आहे, व ग्रामीण भागातील विद्यार्थ्यांची क्षमता ओळखुन त्यांना योग्य तो मार्ग दाखवण्याचे काम प्राचार्य डॉ. रजनीकांत तु. काकडे सर करत आहेत. तसेच या प्राचार्य शोहेब शेख, प्राचार्य सचिन कोकाटे तसेच इतर सर्व प्राध्यापक वर्गाचेही योगदान लाभले.
