Wednesday, July 17, 2024
Homeमहाराष्ट्रठाणेकेडीएमसी परिवहन उपक्रमातील कंत्राटी कर्मचाऱ्यांचा वनवास संपला

केडीएमसी परिवहन उपक्रमातील कंत्राटी कर्मचाऱ्यांचा वनवास संपला

कर्मचाऱ्यांना सेवेत कायम करण्याचे नगरविकास विभागाचे आदेश

कल्याण : कल्याण डोंबिवली महानगरपालिका परिवहन उपक्रमातील गेल्या २० वर्षांपासून कंत्राटी पदावर काम करणारे ११ चालक व ४८ वाहक यांचा वनवास संपला असून महाराष्ट्र शासनाच्या नगरविकास विभागाने या कर्मचाऱ्यांना सेवेत कायम करण्याचा प्रशासकीय आदेश पारित केला आहे. या कामी महाराष्ट्र राज्याचे मुख्यमंत्री एकनाथ शिंदे, खासदार डॉ. श्रीकांत शिंदे यांच्या सहकार्याने तसेच संघटना अध्यक्ष रवि पाटील यांच्या प्रयत्नाने या कर्मचाऱ्यांना कायम करण्याचा मार्ग मोकळा झाला आहे.

नगरविकास विभागाचे प्रधान सचिव सोनिया सेठी, केडीएमसी आयुक्त भाऊसाहेब दांगडे, अप्पर सचिव प्रतिभा पाटील, परिवहन व्यवस्थापक दिपक सावंत, उपपरिवहन व्यवस्थापक संदिप भोसले आणि या कार्यात ज्यांनी ज्यांनी सहकार्य केले त्या संघटनेचे उपाध्यक्ष प्रतिक पेणकर या सर्वांचे परिवहन कर्मचाऱ्यांच्या वतीने परिवहन कामगार कर्मचारी संघटनेचे सरचिटणीस शरद जाधव यांनी आभार मानले आहेत.

कल्याण डोंबिवली महानगरपालिका परिवहन उपक्रमाच्या आस्थापनेवर कंत्राटी पध्दतीने, कल्याण-ड तात्पुरत्या स्वरूपात किमान वेतन व ठोक मानधनावर ४८ वाहक व ११ चालक, असे एकूण ५९ कर्मचारी कार्यरत असून, त्यांच्या भरतीची कार्यवाही सन २००३ व २००४ मध्ये करण्यात आली होती. कल्याण-डोंबिवली महानगरपालिका परिवहन उपक्रमाच्या आस्थापनेवर विहित प्रक्रिया पार पाडून कंत्राटी पध्दतीने तात्पुरत्या स्वरूपात, किमान वेतन ठोक मानधनावर कार्यरत असलेल्या ४८ वाहक व ११ चालक अशा एकूण ५९ कर्मचाऱ्यांचे महानगरपालिकेच्या आकृतीबंधातील मंजूर व रिक्त पदांवर समावेश करण्यास शासनाची मान्यता देण्यात येत असल्याचा शासन निर्णय नगरविकास विभागाने गुरुवारी पारित केला आहे. यामुळे या कंत्राटी कामगारांमध्ये आनंदाचे वातावरण पसरले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -