Thursday, July 25, 2024
Homeदेशजगात मोदीच नंबर १! ऋषी सुनक, बायडन यांनाही टाकले मागे

जगात मोदीच नंबर १! ऋषी सुनक, बायडन यांनाही टाकले मागे

वॉशिंग्टन (वृत्तसंस्था): पंतप्रधान नरेंद्र मोदी यांनी लोकप्रियतेच्या बाबतीत जगात नंबर १ ठरले आहेत. अमेरिकेचे अध्यक्ष जो बायडन, ब्रिटनचे पंतप्रधान ऋषी सुनक, फ्रान्सचे राष्ट्राध्यक्ष इमॅन्युएल मॅक्रॉन यांनाही मोदींनी मागे टाकले आहे.

जगातील सर्वात मोठी लोकशाही असलेल्या भारत देशाचे पंतप्रधान नरेंद्र मोदी यांनी लोकप्रियतेच्या बाबतीत २२ देशांच्या दिग्गज नेत्यांना मागे टाकले आहे. ताज्या सर्वेक्षणात, पंतप्रधान मोदींना प्रौढ लोकांमध्ये ७८ टक्के मान्यता मिळाली आहे. मेक्सिकोचे राष्ट्राध्यक्ष लोपेझ ओब्राडोर यांना पंतप्रधान मोदींनंतर दुसरे स्थान मिळाले आहे. ६८ टक्के प्रौढांनी त्यांना त्यांची पहिली पसंती सांगितली. या यादीत स्वित्झर्लंडचे राष्ट्राध्यक्ष अलेन बेरसेट तिसऱ्या क्रमांकावर आहेत. त्याला ६२ टक्के मान्यता रेटिंग मिळाली आहे. सर्वेक्षणात असे म्हटले आहे की सप्टेंबर २०२१ नंतर पीएम मोदींची लोकप्रियता सातत्याने वाढत आहे.

यूएस-आधारित जागतिक सर्वेक्षण कंपनी मॉर्निंग कन्सल्टनुसार, ऑस्ट्रेलियाचे पंतप्रधान अँथनी अल्बानीज ५८ टक्के रेटिंगसह या यादीत चौथ्या आणि ब्राझीलचे राष्ट्राध्यक्ष लुला डी सिल्वा ५० टक्के रेटिंगसह पाचव्या स्थानावर आहेत. अशाप्रकारे सुपरपॉवर अमेरिकेचे अध्यक्ष जो बायडन, ब्रिटनचे पंतप्रधान ऋषी सुनक, फ्रान्सचे राष्ट्राध्यक्ष इमॅन्युएल मॅक्रॉन हे टॉप १० नेत्यांच्या यादीतून बाहेर पडले आहेत. ट्रम्प यांच्या कठीण आव्हानादरम्यान, बायडन यांना केवळ ४० टक्के मान्यता रेटिंग मिळाली आहे. लोकप्रिय नेत्यांच्या यादीत बायडन सातव्या क्रमांकावर आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -