Sunday, July 21, 2024
Homeक्रीडादिपक चहरच्या पत्नीची फसवणूक, क्रिकेट असोसिएशनच्या माजी अधिकाऱ्यावर गंभीर आरोप

दिपक चहरच्या पत्नीची फसवणूक, क्रिकेट असोसिएशनच्या माजी अधिकाऱ्यावर गंभीर आरोप

मुंबई: भारतीय क्रिकेटपटू दीपक चहरची पत्नी जया भारद्वाजकडून हैदराबाद क्रिकेट असोसिएशनचे माजी अधिकारी आणि व्यावसायिक कमलेश पारीख यांनी व्यवसायाच्या नावाखाली १० लाख रुपये उकळल्याचा आरोप आहे. याप्रकरणी दीपक चहरचे वडील लोकेंद्र चहर यांनी हरिपर्वत पोलिस ठाण्यात फिर्याद दिली आहे.

क्रिकेटर दीपक चहरचे वडील लोकेंद्र चहर हे मानसरोवर कॉलनी शहागंजमध्ये राहतात. वडिलांनी दिलेल्या तक्रारीनुसार, एमजी रोडवर असलेल्या पारिख स्पोर्ट्सचे मालक ध्रुव पारीख आणि त्याचे वडील कमलेश पारीख यांच्यात गेल्या वर्षी व्यावसायिक संभाषण झाले होते. पारीख पिता-पुत्र हे अवंती कॉर्पोरेशन हाउसिंग सोसायटी हैदराबाद येथील रहिवासी आहेत. कमलेश पारीख हे हैदराबादचे शुज व्यावसायिक आहेत. हैदराबाद क्रिकेट असोसिएशनमधील राज्य संघांचे ते माजी पदाधिकारीही आहेत.

जया भारद्वाज यांनी ध्रुव पारीख आणि कमलेश पारीख यांना विश्वासात घेऊन व्यवसायासाठी करार केला होता. ७ ऑक्टोबर २०२२ रोजी जया भारद्वाज यांनी आरोपीच्या खात्यात १० लाख रुपये ऑनलाइन ट्रान्सफर केले. मात्र या दोघांनीही जया यांची फसवणूक केली. रकमेची देवाणघेवाण केल्यावर आरोपींनी शिवीगाळ करून जीवे मारण्याची धमकी दिली.

याबाबत पोलिस उपायुक्त विकास कुमार यांनी दिलेल्या माहितीनुसार, क्रिकेटपटू दीपक चहरचे वडील लोकेंद्र चहर यांच्या तक्रारीनुसार गुन्हा दाखल करण्यात आला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -