मुंबई (वृत्तसंस्था) : फिनिशर खेळाडू म्हणून प्रसिद्ध असलेला भारताचा दिनेश कार्तिक आता ऑस्ट्रेलियाविरुद्धच्या कसोटी मालिकेत नव्या भूमिकेत दिसणार आहे. भारताचा हा यष्टीरक्षक फिनिशर मैदानावर नव्हे, तर तो कॉमेंट्री बॉक्समध्ये भारताची जबाबदारी सांभाळणार आहे. त्याने स्वतः ट्विट करत ही माहिती दिली आहे आणि यासाठी तो स्वतः उत्सुक असल्याचे त्याने म्हटले आहे.
दिनेश कार्तिकने याआधी वनडे, कसोटी आणि टी-२० मध्ये कॉमेंट्री केली आहे, मात्र तो पहिल्यांदाच भारतात होणाऱ्या कसोटी सामन्याची कॉमेंट्री करणार आहे. त्याने ट्विट करून आपला उत्साह व्यक्त केला आहे. दिनेश कार्तिकच्या या ट्विटवर अनेक दिगज्जांनी आपली प्रतिक्रिया दिली आहे. तर चाहत्यांनी ही त्याला शुभेच्छा दिल्या आहेत.