ठाणे : राष्ट्रवादी काँग्रेसचे आमदार जितेंद्र आव्हाड यांनी कळवा प्रभाग समितीचे सहाय्यक आयुक्त सुबोध ठाणेकर यांच्यावर केलेल्या गंभीर आरोपाची क्लिप त्यांनी व्हायरल केल्याने ठाण्यात खळबळ माजली आहे.
कळवा, मुंब्य्रातील अनधिकृत बांधकामांच्या मुद्यावरुन राष्ट्रवादीचे आमदार जितेंद्र आव्हाड यांनी कळव्याच्या सहायक आयुक्त सुबोध ठाणेकर यांना दम भरल्याचा ऑडीओ क्लिप सध्या सोशल मीडियावर त्यांनीच व्हायरल केला आहे. कारवाई टाळण्यासाठी तुम्ही पैसे घेऊन खिशात भरता आणि तुमचे नाव लपवून मला बदनाम करता, असा गंभीर आरोपही त्यांनी केल्याचे या क्लिपमध्ये दिसत आहे.
सध्या कळवा, खारेगावात २९ बांधकामे सुरु आहेत. या पार्श्वभूमीवर आव्हाड यांनी केलेला आरोप धक्कादायक मानला जात आहे. रोहीदास पाटील यांच्याकडून तुम्ही २० लाख घेतले, असा गंभीर आरोपही त्यांनी यात केल्याचे दिसत आहे. हे चुकीचे आरोप असल्याचे ठाणेकर यांनी केल्याचे दिसत आहे. तर ज्याने पैसे दिले तो माणूस समोर उभा करु का? असा सवालही आव्हाड यांनी केला. या प्रकरणात उच्च न्यायालयात जाईन, असा इशाराही आव्हाड यांनी दिला आहे.