Thursday, July 25, 2024
Homeताज्या घडामोडीपंतप्रधान मोदी १९ जानेवारीला मुंबई दौऱ्यावर

पंतप्रधान मोदी १९ जानेवारीला मुंबई दौऱ्यावर

मोदी यांच्या हस्ते मेट्रो २ ए आणि मेट्रो ७ चे लोकार्पण होण्याची शक्यता

मुंबई : महाराष्ट्रातील सत्ता संघर्षानंतर पहिल्यांदाच पंतप्रधान नरेंद्र मोदी १९ जानेवारीला मुंबई दौऱ्यावर येणार आहेत. नरेंद्र मोदी मुंबईतील विविध कार्यक्रमांना हजेरी लावणार आहेत. मेट्रो २ ए आणि मेट्रो ७ चे लोकार्पण मोदी यांच्या हस्ते होण्याची शक्यता आहे.

मोदींच्या स्वागतासाठी मुंबई आणि प्रदेश भाजपने जोरदार तयारी केली आहे. या संदर्भात आज मुख्यमंत्री आणि उपमुख्यमंत्र्यांच्या उपस्थितीत सह्याद्रीवर महत्त्वपूर्ण बैठक होणार आहे. भाजपने मिशन २०२४ च्या नावाखाली मोर्चेबांधणी सुरू केली असून मुंबई महानगरपालिकेसाठी भाजपने कंबर कसली आहे. भाजपने मिशन मुंबई महापालिका निवडणूक सुरू केले आहे. यामुळे मुंबई महापालिका निवडणुकीच्या पार्श्वभूमीवर मोदींच्या दौऱ्याला मोठे महत्त्व आहे.

अनेक विकासकामांचे उद्घाटन पंतप्रधानांच्या हस्ते होणार आहे. बीकेसीच्या मैदानावर भाजप मोठा कार्यक्रम घेण्याची शक्यता आहे. राज्य सरकारकडून तयारी सुरू आहे. अद्याप यावर अंतिम निर्णय बाकी आहे.

दुसरीकडे ठाण्यामध्ये देखील पंतप्रधान जाण्याची शक्यता आहे. मुख्यमंत्र्यांच्या ठाण्यात कॅन्सर हॉस्पिटलच्या भूमिपूजनासाठी पंतप्रधान येण्याची शक्यता आहे. प्रत्यक्ष उपस्थित नाही राहिले तर ऑनलाईन तरी कार्यक्रम होण्याची शक्यता आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -