नवी दिल्ली (वृत्तसंस्था) : आयपीपीबीच्या (IPPB Bank Alert) नावाखाली फसवणुकीच्या घटना घडत आहेत. विचार न करता कोणत्याही लिंकवर क्लिक करू नका. तसेच, तुमचे वैयक्तिक बँकिंग तपशील शेअर करू नका. त्यामुळे तुम्ही सायबर गुन्ह्यांपासून सुरक्षित राहाल. असा सावधगिरीचा इशारा इंडिया पोस्ट पेमेंट्स बँकेने आपल्या अधिकृत ट्विटर हँडलवरून ट्विट करून माहिती दिली आहे.
इंटरनेटच्या वाढत्या वापरामुळे सायबर गुन्ह्यांचे प्रमाण झपाट्याने वाढले आहे. सायबर गुन्हे रोखण्यासाठी इंडिया पोस्ट पेमेंट्स बँकेने आपल्या ग्राहकांना नोटीस दिली आहे. गेल्या काही दिवसांपासून अशी अनेक प्रकरणे समोर आली आहेत ज्यात बनावट कॉल करून लोकांची खाती रिकामी केली जात आहेत.
पोस्ट ऑफिसच्या नावावर कॉल जॉब देण्याच्या नावाखाली फसवणूक करणारे ग्राहकांकडून त्यांचे खाते आणि वैयक्तिक तपशील घेतात. याशिवाय नोकरीच्या बदल्यात पैशांची मागणीही करतात. यानंतर वेगवेगळ्या माहिती आणि योजनांची लाच दाखवून लोकांची खाती रिकामी करतात. अशा गुन्हेगारांपासून सांभाळून राहण्याचे आवाहन करण्यात आले आहे.
