Thursday, July 25, 2024
Homeक्रीडाN. Jagadishan : एन. जगदीशनच्या विक्रमी २७७ धावा

N. Jagadishan : एन. जगदीशनच्या विक्रमी २७७ धावा

नवी दिल्ली (वृत्तसंस्था) : तामिळनाडूचा फलंदाज नारायण जगदीशनने (N. Jagadishan) लिस्ट-ए क्रिकेटमध्ये ऐतिहासिक खेळी केली आहे. जगदीशनने विजय हजारे ट्रॉफीमध्ये अरुणाचल प्रदेशविरुद्ध २७७ धावा जमवल्या. वनडे आणि लिस्ट ए क्रिकेटमधील ही सर्वोच्च वैयक्तिक धावसंख्या आहे.

नारायण जगदीशनने भारतीय कर्णधार रोहित शर्माचा विक्रम मोडला आहे. रोहित शर्माने लिस्ट-ए क्रिकेटमध्ये भारताकडून खेळताना श्रीलंकेविरुद्ध २६४ धावांची इनिंग खेळली होती. लिस्ट-ए क्रिकेटमध्ये त्याच्या आधी सरेचा फलंदाज एलिस्टर ब्राऊनने २००२ मध्ये २६ धावा केल्या होत्या. जगदीशनने या दोघांचे रेकॉर्ड तोडले.

जगदीशनच्या खेळीने सोमवारी बंगळुरूमध्ये तामिळनाडूला ५०६/२ धावा करता आल्या. वनडेमध्ये पहिल्यांदाच ५०० पेक्षा जास्त धावा झाल्या आहेत. यापूर्वी इंग्लंडने नेदरलँड्सविरुद्ध ४९८ धावा केल्या होत्या.

विजय हजारे ट्रॉफीच्या या हंगामात जगदीशन दमदार फलंदाजी करताना दिसत आहे. गेल्या ५ डावांत त्याने सलग ५ शतके झळकावली आहेत. या फलंदाजाने श्रीलंकेचा दिग्गज कुमार संगकाराचा विक्रम मोडला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -