Sunday, July 14, 2024
Homeताज्या घडामोडीमी रोज २-३ किलो शिव्या खातो

मी रोज २-३ किलो शिव्या खातो

पंतप्रधान मोदींचा विरोधकांवर हल्लाबोल

तेलंगणा : लोक मला विचारतात तुम्ही थकत नाहीत का? त्यावर मी रोज २-२ किलो शिव्या खातो म्हणून थकत नाही. देवाच्या आशीर्वादाने मला दिलेल्या शिव्या न्यूट्रीशनमध्ये बदलतात, असे पंतप्रधान नरेंद्र मोदी यांनी सांगितले. नरेंद्र मोदी तेलंगणा दौऱ्यावर आहेत. यावेळी जनतेला संबोधित करताना त्यांनी तेलंगणा सरकारवर जोरदार हल्लाबोल केला.

नरेंद्र मोदी यांनी तेलंगणाचे मुख्यमंत्री के. चंद्रशेखर राव यांचे नाव न घेता ते भ्रष्टाचार आणि घराणेशाहीच्या राजकारणात सहभागी असल्याचे म्हटले आहे. राज्याला ‘कुटुंब नव्हे, प्रथम जनतेचे’ सरकार हवे आहे. तुम्ही मोदींना शिव्या द्या, भाजपाला शिव्या द्या, पण तुम्ही तेलंगणातील जनतेला शिव्या दिल्या तर तुम्हाला त्याची मोठी किंमत चुकवावी लागेल, असेही ते म्हणाले.

मला तेलंगणातील कामगारांसाठी वैयक्तिकरित्या प्रार्थना करायची आहे, असे कार्यकर्त्यांना आवाहन करत ते म्हणाले की, हताश, भीती आणि अंधश्रद्धेतून काही लोक मोदींच्या विरोधात अनेक शिव्या देतील. त्यांच्या फसवणुकीमुळे दिशाभूल होऊ नये अशी मी प्रार्थना करतो, असे मोदी म्हणाले. केंद्र सरकारच्या योजनांच्या अंमलबजावणीत राज्य सरकार जाणीवपूर्वक अडथळे निर्माण करत असल्याचा आरोपही त्यांनी यावेळी केला.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -