मुंबई : दिग्दर्शक साजिद खान 'बिग बॉस' १६ मध्ये दाखल झाल्यापासून जुनी प्रकरण पुन्हा चर्चेत आली आहेत. बॉलिवूड अभिनेत्री शर्लिन चोप्रा हिने साजिद विरोधात लैंगिक छळाची तक्रार दाखल केली आहे. शनिवारी रात्री जुहू पोलीस ठाण्यात शर्लिनने तक्रार दाखल केली.
साजिद खानला लवकरात लवकर पोलीस जवाब नोंदवण्यासाठी बोलावतील अशी प्रतिक्रिया देखील शर्लीनने दिली आहे. शर्लिनचा जुहू पोलिसांनी शनिवारी रात्री संध्याकाळी जबाब नोंदवला आहे. त्यावेळी शर्लिनने माध्यमांशी संवाद साधला. ती म्हणाली की, महिला पोलीस अधिकाऱ्यांनी माझे स्टेटमेंट रेकॉर्ड केले आहे. तसेच, पोलिसांनी आश्वासन दिले आहे की, ते साजिद खानला लवकरात लवकर बिग बॉसच्या घरातून बोलवून त्याचा जबाब नोंदवणार आहेत.
दिग्दर्शक साजिद खान बिग बॉस सीझन १६ मधील स्पर्धक आहे. साजिद सध्या हिंदी बिग बॉसच्या घरात आहे. सदस्य अब्दूचा ट्रान्सलेटर म्हणून साजिद बिग बॉसच्या घरात आहे. साजिद स्पर्धक म्हणून सहभागी झालेला नाही. त्यामुळे तक्रार दाखल झाल्यानंतर साजिद बिग बॉसमधून बाहेर येण्याची शक्यता आहे.