Saturday, July 13, 2024
Homeदेशस्पाईसजेट ३० ऑक्टोबरपासून पूर्ण क्षमतेने चालणार; निर्बंध हटवले

स्पाईसजेट ३० ऑक्टोबरपासून पूर्ण क्षमतेने चालणार; निर्बंध हटवले

नवी दिल्ली (वृत्तसंस्था) : एअरलाइन्स कंपनी स्पाईसजेट आता ३० ऑक्टोबरपासून पूर्ण क्षमतेने विमान चालवणार आहे. कंपनीवरील निर्बंध हटवण्यात आले आहेत. यापूर्वी, स्पाइसजेट विमानाशी संबंधित अनेक घटना समोर आल्यानंतर विमान वाहतूक नियामकाने एअरलाइनकडून स्पष्टीकरण मागवले होते. १८ दिवसांत तांत्रिक बिघाडाच्या ८ घटनांनंतर डीजीसीएने स्पाइसजेटला कारणे दाखवा नोटीस बजावली होती.

२७ जुलै रोजी, नागरी विमान वाहतूक महासंचालकांनी स्पाईसजेटची अनेक विमाने उड्डाणात क्रॅश झाल्यानंतर पुढील आठवड्यांसाठी केवळ ५० टक्के फ्लाइट चालवण्याचे आदेश दिले. तेव्हापासून विमान कंपनी आर्थिक संकटात सापडली आहे. या आठ आठवड्यांची मुदत संपण्याआधीच, डीजीसीएने गेल्या महिन्यात नवीन आदेश जारी करून ही बंदी २९ ऑक्टोबरपर्यंत वाढवली होती.

दरम्यान, स्पाइसजेटने मंगळवारी आपल्या कर्मचाऱ्यांमधील ८० वैमानिकांना तीन महिन्यांच्या पगाराशिवाय रजेवर पाठवले होते. विमान कंपन्यांनी आपला खर्च कमी करण्याच्या उद्देशाने हा निर्णय घेतला होता. विमान कंपनीने एक निवेदन जारी करून याबाबत माहिती दिली होती.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -