Wednesday, July 24, 2024
Homeताज्या घडामोडीअनिल देशमुख, संजय राऊतांची दिवाळी तुरुंगातच

अनिल देशमुख, संजय राऊतांची दिवाळी तुरुंगातच

राऊतांच्या जामीन अर्जावर आता २ नोव्हेंबरला सुनावणी

मुंबई : शिवसेना खासदार संजय राऊत यांच्या जामीन अर्जावर आता २ नोव्हेंबर रोजी सुनावणी केली जाणार आहे. यामुळे राऊतांचा कारागृहातील मुक्काम १३ दिवसांनी वाढला आहे. कथित पत्राचाळ घोटाळ्याप्रकरणी ईडीने अटक केलेले संजय राऊत न्यायालयीन कोठडीत आहेत.

कथित शंभर कोटींच्या वसुलीप्रकरणात गेल्या वर्षीच्या २ नोव्हेंबरपासून अटकेत असलेल्या माजी गृहमंत्री अनिल देशमुख यांना काही दिवसांपूर्वीच ‘ईडी’च्या गुन्ह्यांमध्ये जामीन मिळाला होता. मात्र, याच प्रकरणात त्यांच्यावर सीबीआयनेही गुन्हा दाखल केला असल्याने त्यांना तुरुंगात राहावे लागत आहे. आज सीबीआय कोर्टाने त्यांचा जामीन अर्ज फेटाळला. त्यामुळे त्यांचीही दिवाळी तुरुंगातच जाणार आहे.

“देशमुख यांच्यावरील गुन्हा गंभीर स्वरूपाचा आहे. देशाच्या अर्थ व्यवस्थेवर परिणाम करणारा आहे. देशमुख यांना कारागृहात योग्य ते वैद्यकीय उपचार मिळत आहेत. शिवाय प्रकरणातील माफीचा साक्षीदार झालेले पोलीस अधिकारी सचिन वाझे यांच्या जबाबाकडे दुर्लक्ष करता येणार नाही. त्यांचा जबाब महत्त्वाचा आहे”, असे विशेष सीबीआय न्यायालयाने देशमुख यांना जामीन नाकारताना नमूद केले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -