Sunday, July 21, 2024
Homeमहाराष्ट्रठाणेमुलीला फरफटत नेणारा ठाण्यातील मुजोर रिक्षावाला गजाआड

मुलीला फरफटत नेणारा ठाण्यातील मुजोर रिक्षावाला गजाआड

ठाणे : ठाण्यात मुलीला फरफटत नेणाऱ्या रिक्षाचालकाला पोलिसांनी अटक केली आहे. दारुच्या नशेत हे कृत्य केल्याची कबुली आरोपी रिक्षाचालकाने दिली आहे. काल सकाळी ७ वाजता एक विद्यार्थिनी बाजारपेठेत पायी जात असताना रिश्रा चालकाने तिच्याकडे पाहून अश्लील हावभाव केले. मुलीने त्याला जाब विचारल्यानंतर रिक्षाचालकाने तिचा हात पकडून फरफटत नेले. त्यानं तरुणीला फरफटत काही अंतर पुढे नेले. तरुणीच्या हाताला दुखापत झाल्याने ती रस्त्यात पडली. त्यानंतर रिक्षाचालक स्थानकाच्या दिशेने फरार झाला. पोलीस त्याचा शोध घेत होते. अखेर दिघा भागात राहणाऱ्या या रिक्षाचालकाला पोलिसांनी अटक केली आहे. आरोपी रिक्षाचालक कटिकादाला उर्फ राजू आब्बायी विरांगनेलू हा मूळचा आंध्र प्रदेशातला आहे.

दरम्यान, या घटनेचा सर्व प्रकार सीसीटीव्ही कॅमेऱ्यामध्ये कैद झाला आहे. ज्यावेळी हा प्रकार घडला त्यावेळी भाजपचे माजी नगरसेवक संजय वाघुले त्या परिसरात होते. संपूर्ण प्रकरण लक्षात आल्यानंतर त्यांनी ताबडतोब पोलिसांशी पाठपुरावा करून सीसीटीव्ही फुटेज पोलिसांकडे जमा केले. त्यानंतर या तरुणीसोबत ठाणेनगर पोलीस ठाण्यात तक्रार देण्यात आली आहे. पोलिसांनी सीसीटीव्हीच्या आधारे रिक्षाचा नंबर मिळवला आणि रिक्षाचालकाचा शोध सुरू केला. अखेर तब्बल २४ तासांनी मुजोर रिक्षाचालकाला अटक करण्यात पोलिसांना यश आले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -