Monday, July 22, 2024
Homeताज्या घडामोडीनाशिक पाठोपाठ पुण्यातही चालत्या बसने घेतला पेट

नाशिक पाठोपाठ पुण्यातही चालत्या बसने घेतला पेट

पुणे : नाशिकमधील खासगी प्रवासी बसच्या आगीची घटना ताजी असतानाच पुण्यात आज सकाळी साडेसहाच्या सुमारास चालत्या खाजगी ट्रॅव्हल बसने पेट घेतला. या बसमधून २६ प्रवासी प्रवास करत होते. सुदैवाने ही घटना वेळीच लक्षात आल्याने थोडक्यात प्रवाशांचा जीव बचावला.

भिवंडी पाये गावातील २६ महिला रात्री अकरा वाजता खासगी बसने भीमाशंकरकडे निघाल्या होत्या. घोडेगावच्या पुढे गाडी आली असता बाजूने जाणाऱ्या एसटी बसच्या ड्रायव्हरने गाडीतून धूर निघत असल्याचे गाडी चालकाला सांगितले. चालकाने गाडी बाजूला लावली असता गाडीने खालून पेट घेतल्याचे त्याला दिसले असता त्याने सर्वांना तातडीने खाली उतरण्यास सांगितले. सर्व महिला गाडीतून उतरल्या आणि काही क्षणात बस जळू लागली. डोळ्यादेखत संपूर्ण बस जळून खाक झाली. ही घटना पोलिसांना समजताच पोलिसांनी तात्काळ घटनास्थळी धाव घेत पुढील तपास सुरु केला आहे.

दरम्यान, काहीच दिवसांपुर्वी नाशिक-औरंगाबाद मार्गावर नांदूरनाका येथे एका खासगी प्रवासी बसला एका ट्रकने धडक दिल्याने भीषण आग लागल्याची घटना घडली होती. या भीषण दुर्घटनेत १३ प्रवाशांचा आगीत होरपळून मृत्यू झाला. तर, ३८ प्रवासी जखमी झाले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -