पनवेल (वार्ताहर) : पंतप्रधान नरेंद्र मोदी यांनी दिल्ली येथे ५ जी सेवेचा शुभारंभ केला आहे. तर मुख्यमंत्री एकनाथ शिंदे यांनी पनवेल येथील पोदी या ठिकाणी असलेल्या शाळेत उपस्थित राहून फायजी सेवेचा शुभारंभ केला.
महाराष्ट्रात जिओच्या ५ जी सेवा सुरू करण्यासाठी राज्यातील तीन शाळांची निवड करण्यात आली होती. त्यात पनवेल महापालिकेच्या नवीन पनवेल पोदी येथील ज्ञानज्योती सावित्रीबाई फुले शाळेचा समावेश होता. यानिमित्त आयोजित कार्यक्रमासाठी मुख्यमंत्री एकनाथ शिंदे यांनी पोदी शाळेत उपस्थित राहून ५ जी सेवेचा शुभारंभ केला. तसेच शाळेतील विद्यार्थी, शिक्षकांशी मनमोकळेपणाने संवाद साधला.
यावेळी माजी खासदार लोकनेते रामशेठ ठाकूर, भाजपचे रायगड जिल्हाध्यक्ष आमदार प्रशांत ठाकूर, उरणचे आमदार महेश बादली, कर्जतचे आमदार महेंद्र थोरवे, मुख्यमंत्री कार्यालयाचे प्रधान सचिव भुषण गगराणी, रायगडचे जिल्हाधिकारी डॉ. महेंद्र कल्याणकर, वाय.टी.देशमुख, पनवेल महापालिकेचे आयुक्त गणेश देशमुख, शहर अध्यक्ष जयंत पगडे, माजी उपमहापौर चारुशीला घरत, माजी नगरसेवक अॅड मनोज भुजबळ, तेजस कांडपीळे, उपायुक्त सचिन पवार यांच्यासह शासकीय अधिकारी व कर्मचारी उपस्थित होते.
